Речиси и нема родител кој барем еднаш не се нашол во ситуација да детето гледа нешто на телефон или таблет, а кога треба да му се одземе апаратот, детето инсистира на „уште една епизода“, „уште пет минути“ и слично. После тоа обично следи хистерија кога детето ќе сфати дека не може да гледа во екранот колку што би сакало.
Експертот за родителство Меги Дент вели дека тоа се нарекува „техно тантрум“, а се јавува затоа што допаминот се зголемува во мозокот на детето додека гледа во екран.
Дент објаснува дека ова се нарекува „техно тантрум“, а потоа објаснува што всушност се случува.
„Се што прави детето да се чувствува добро – фрлање храна, гризење други деца, скокање по работи – го возбудува мозокот и произведува допамин“.
Експертката додава дека малите екрани се направени така да децата лесно се ‘навлечат’ на нив, а одземањето на екранот е тригер за разни емоции.
Светската здравствена организација препорачува децата под две години воопшто да не се изложуваат на екрани, додека Американската академија за педијатрија сугерира дека децата меѓу две и пет години треба да ја ограничат изложеноста на екранот на не повеќе од еден час дневно.
Проблеми со емоционалната регулација
На почетокот на оваа година, студија спроведена од JAMA Pediatrics во Канада покажала како екраните влијаат на децата.
Истражувачите анкетирале 315 родители на деца од предучилишна возраст за да ги осознаат нивните навики за гледање екран. Родителите пополнувале анкети кога нивните деца имале 3,5, 4,5 и 5,5 години, известувајќи за тоа како децата изразувале емоции како лутина и фрустрација и како тоа е поврзано со употребата на таблети.
Истражувањата покажало потенцијална врска помеѓу малите деца кои користат таблети и потешкотиите во управувањето со емоциите – особено кога станува збор за напади на бес.
Студијата покажала дека користењето таблети на возраст од три и пол е поврзано со поголем број на изливи на бес или фрустрации една година подоцна.
Откриено е и дека децата кои имале почести изливи на бес и фрустрација на возраст од четири и пол години продолжиле активно да го користат таблетот една година подоцна.
Поради ова, истражувачите не се сигурни дали користењето на екранот придонесува за полоша емоционална регулација или полошата емоционална регулација придонесува за поголема употреба на екранот – или и двете.
