Психолозите објаснуваат дека децата кои растат со чувство дека секогаш се во право, на подоцнежна возраст се грижат првенствено за себе и прават работи кои придонесуваат исклучиво за задоволување на нивните потреби или интереси. Овие деца исто така покажуваат и многу помалку емпатија, немаат развиена работна етика и се однесуваат како правилата да не важат за нив, пишува „Индија тајмс“. За да се избегне ова, експертите споделуваат неколку родителски грешки кои ги прават децата себични и кои треба да ги избегнуваме.
Родителите секогаш им велат „да“
Децата кои не знаат за зборот „не“ би можеле да станат себични и разгалени, предупредуваат психолозите. Иако родителите секогаш сакаат нивните деца да бидат среќни, задоволни и да не им недостига ништо, претераното угодување само ќе им направи повеќе штета отколку корист.
Овие деца исто така покажуваат и многу помалку емпатија, немаат развиена работна етика и се однесуваат како правилата да не важат за нив
Не ги учат децата како да бидат благодарни
Многу родители не знаат колку е важно да ги научат децата да бидат благодарни за она што го имаат. Психолозите објаснуваат дека детето би можело да порасне во проблематична и себична личност ако зема сè здраво за готово и никогаш не научи како да биде вистински благодарно.
Прават се наместо нив
Родителите кои прават се наместо своите деца им нанесуваат голема штета, предупредуваат експертите. Со овој начин на однесување го учиме детето дека не мора ништо да прави само, па затоа порано или подоцна, ќе порасне во себична индивидуа која очекува се да биде токму онака како што замислил. Иако е убаво да му се помогне на детето и тоа се очекува од родителите, постојат работи кои нашите малечки можат да ги направат сами.
