Истражувањата покажуваат дека родителите треба да им дозволат на своите деца да одат боси колку што е можно почесто и подолго. Имено, според научниците, одењето без обувки прави чуда за нозете и развојот на мозокот на нашите малечки
♦♦♦♦♦♦♦
Претераното носење чевли во детството би можело да биде една од причините поради кои луѓето подоцна имаат проблеми со стапалата. Рамните или спуштени стапала честопати се поврзуваат со носење чевли премногу рано во детството, а научниците дошле до заклучок дека носењето обувки, особено оние затворените – може да биде клучно во развојот на здрави табани. Студијата од 2008 година, исто така, потврдила дека сите деца би требало да носат флексибилни обувки наместо традиционални чевли, поради кои децата неретко не можат да научат правилно да одат.
Стапалото е еден од деловите на телото најбогати со нерви, а тоа што им дозволувате на децата да одат боси и целосно да ги почувствуваат разликите во текстурата и тлото по кое одат, им помага во рамнотежа, координација, невромускулна сила, но и свесност за околината
Ова е секако добра вест за родителите чии деца претпочитаат да трчаат наоколу без обувки или оние кои постојано ги соблекуваат чевличките каде и да се. И не само што тоа не е лошо за нив, туку научниците тврдат дека одењето без обувки има многу предности. Луѓето имале многу поздрави стапала пред појавата на обувките, кои го нарушиле нашиот природен од и нормален развој на стапалата и глуждовите. Затоа, колку повеќе и колку подолго децата одат боси – толку подобро за нив!
Сепак, многу родители не сакаат да ги остават своите деца да трчкаат надвор без чевли од страв да не се повредат. Како и да е, колку повеќе децата одат боси, толку повеќе кожата на табаните станува подебела и поцврста. Единствените ситуации кога родителите треба да му забранат на детето да оди босо е кога сметаат дека постои можност да згазне на нешто остро, стакло или нешто слично што би можело да биде од голема опасност. Но, ако сте во вашиот двор или во проверено и безбедно опкружување, не грижете се.
За бебињата и децата во јасли посебно е важно да шетаат колку што е можно почесто без обувки, бидејќи токму истражувањето на светот со голи нозе им овозможува на децата сензорна стимулација која помага во развојот на мозокот. Стапалото е еден од деловите на телото најбогати со нерви, а тоа што им дозволувате на децата целосно да ги почувствуваат разликите во текстурата и тлото по кое одат, им помага во рамнотежа, координација, невромускулна сила, но и свесност за околината.
Затоа, ако вашите мали деца инсистираат да играат без чевли, дозволете им. Уште подобро, поттикнете ги да го сторат тоа. Нозете секогаш можат да се измијат, а децата ќе ви бидат благодарни, баш како и нивните стапала!
