Повеќето родители од раѓање користат ноќно светло во просторијата каде што детето спие. Иако во првите месеци од животот на бебето светилките имаат своја цел кога го храните и менувате навечер, подоцна придушените светла остануваат запалени од навика, а не треба. Експертите за спиење истакнуваат дека бебињата се раѓаат со два страва: од паѓање и гласни звуци.Сите останати стравови се учат, вклучително и тој од темнината. Затоа, ако го навикнете вашето дете на ноќната светлина, ќе биде многу тешко подоцна да го убедите да спие во темница.
Зошто светлината може да биде штетна? Експертите наведуваат дека има огромно влијание врз спиењето и кај бебињата и кај возрасните. Истражувањата покажале дека дури и ноќните ламби кај децата може да ги поттикнат хормоните како што се адреналин и кортизол кои можат да го нарушат сонот и да предизвикаат будност.
Ефектот на ноќната ламба врз бебињата варира во зависност од возраста на детето и колку е чувствително на светлина. Иако малата ноќна светлина може да биде добра за некои деца, за други може да биде премногу стимулирачка и да ги спречи да спијат мирно. Ако забележите дека вашето бебе често се буди ноќе или дека му е тешко да заспие, а користите ноќно светло, ова може да биде показател дека токму тоа е проблемот.
Ноќните светла за бебиња често се бели, сини и зелени. Овие нијанси имаат слични бранови должини на дневната светлина и можат да го збунат вашето бебе и да го попречат развојот на неговиот деноноќен ритам.
Изложеноста на ноќна светлина може да доведе до проблеми како „отпорност на спиење“. Треба да се запомни дека децата не се како возрасните. Нивната зголемена чувствителност на светлина може да ги направи уште поподложни на дерулирање на сонот и нарушување на деноноќниот ритам.
Спиењето во темница го олеснува природното производство на мелатонин во телото, што му помага на вашето дете да заспие (и уште поважно, да спие). Ако вашето дете претпочита ноќно светло, според експертите, многу подобра опција е да го вклучите во друга просторија и да ја оставите подотворена вратата од детската соба.
