Милиа е состојба на кожата чија главна карактеристика е присуство на мали бели топчиња, слично на цисти на лицето, главата и на грбот на новороденчето. Тоа е многу честа појава присутна кај над 40% од децата.
Само во некои случаи милиата може да има сериозна манифестација, но генерално ги загрижува родителите поради изгледот.
ШТО Е МИЛИА?
Терминот милиа (или неонатална milio sebaceous), означува група бели или жолтеникави ерупции (со пречник од 1 до 2 милиметри) и обично се појавува на лицето, односно на образите, но може да бидат присутни и на челото и на брадата, како и на внатрешната страна на устата. Тоа се мали епителни цисти кои внатре содржат кератинска материја.
ПРИЧИНИ
Фацијалната милиа може да се појави кога ептелните клетки на епидермисот остануваат заробени во малите шуплини на површината на кожата на детето. На тој начин се формираат папули, мали релјефи на кожата, типични на оваа кожна манифестација. Овие топчиња може да потесетуваат на акни, но е сосема поинаква појава.
Милиата на лицето на новороденчето нема никакво влијание на бебето, не создава непријатност, ниту болка. Оваа појава нема ни други последици – чешање или било каква друга компликација и не бара лекување. Ова е минлива дерматолошка појава.
