Колку повеќе децата одат боси, толку повеќе кожата на табаните станува подебела и поцврста. Единствените ситуации кога родителите треба да му забранат на детето да оди босо се кога мислат дека постои можност детето да нагази на нешто остро, стакло или слично што може да биде голема опасност. Но, ако сте во вашиот двор или во проверена и безбедна средина, не грижете се
Родителите треба да им дозволат на своите деца да одат боси што е можно почесто. Имено, според научниците, одењето без чевли прави чуда за нозете и развојот на мозокот на нашите малечки.
Претераното носење чевли во детството може да биде една од причините поради кои подоцна луѓето имаат проблеми со стапалата. Спуштените стапала честопати се поврзуваат со носење чевли прерано во детството, а научниците сега дошле до заклучок дека носењето чевли, особено затворени, може да биде клучно во развојот на здрав табан. Студија од 2008 година исто така потврдила дека сите деца треба да носат флексибилни обувки наместо традиционални чевли, поради кои децата честопати не можат да научат правилно да одат.
Ова е дефинитивно добра вест за родителите чии деца претпочитаат да трчкаат без чевли или оние кои постојано ги собуваат чевлите каде и да се. И не само што тоа не е лошо за нив, научниците тврдат дека одењето без чевли има многу придобивки.
- Детето ќе паѓа помалку додека учи да оди. Важно е што подобро да го почувствува подот, а тоа ќе му помогне со рамнотежата и координацијата.
- Ќе биде посвесно за просторот во кој се наоѓа. Ова се нарекува проприоцепција. Важно е за мозокот затоа што му помага во координација, држење на телото, свесност за телото.
- Кога ќе прооди, детето ќе има подобро држење на телото
- Одењето со боси ноџиња го стимулира моторниот развој на бебето. Ова вклучува и одење по скали, скокање, трчање, качување.
- На овој начин, бебето ги зајакнува стапалата и долниот дел од нозете кога стои или оди.
Затоа, колку повеќе и подолго децата одат боси – толку подобро за нив!
Сепак, многу родители не сакаат да ги остават своите мали деца да трчаат надвор без чевли, поради страв од повреди. Колку повеќе децата одат боси, толку повеќе кожата на табаните станува подебела и поцврста. Единствените ситуации кога родителите треба да му забранат на детето да оди босо се кога мислат дека постои можност детето да нагази на нешто остро, стакло или слично што може да биде голема опасност. Но, ако сте во вашиот двор или во проверена и безбедна средина, не грижете се.
