За детето да порасне во самостојна и снаодлива личност, потребно е да му дозволите да учествува во сите примарни активности, како облекување, исхрана и хигиена. Истражувањата покажале дека ако му дозволите на детето само да се снајде и да пронајде решенија во таквите ситуации, му помагате при неговото осамостојување и зголемување на самодовербата.
“Самостојноста во облекувањето е важна психолошка и емоционална пресвртница“, тврди д-р Карен Раскин, семеен терапевт. Таа вели дека “децата тежнеат кон независност, па не чуди нивната желба да со јануари облечат костим за капење. Секако, возрасните тоа нема да го дозволат, но вакви искуства за децата се неопходни, оти благодарение на нив градат самодоверба и персоналност“.
Раскин вели дека и постапката на облекување, како што е закопчување копчиња, претставува основ за развој на моториката, а таа е особено важна. Затоа, таа ги советува родителите да на децата им дозволат сами да бираат што ќе облечат, но и сами да се облечат. Не мора тоа да биде секој ден, но пожелно е да биде секој втор ден.
