Пристигнаа летните горештини, што значи дека нашите тела имаат поголема потреба од дополнителен внес на течности. И додека експертите препорачуваат возрасните и постарите деца да пијат вода што е можно почесто, на доените бебиња на возраст под шест месеци никако не треба да им се дава вода.
Зошто? Доените бебиња до шест месеци ја добиваат целата течност што им е потребна од мајчиното млеко, а нивниот стомак ја вари и ги зема сите потребни хранливи материи од млекото. Водата може да го оптовари дигестивниот систем на бебето и да ја спречи апсорпцијата на хранливи материи. Во ретки ситуации, тоа може да доведе и до хипонатремија или труење со вода кај бебињата.
Труењето со вода се јавува при земање преголема количина на вода за краток временски период, поради што доаѓа до ад на нивото на натриум во телото, што влијае на сите негови функции.
Меѓутоа, бебињата кои се хранат со адаптирано млеко може да имаат корист од додавањето мала количина вода во нивната исхрана, но користат флаширана или превриена вода.
