Германските експерти за вакцини препорачаа вакцината против Ковид-19 на АстраЗенека да се дава само на лица над 60 години
♦♦♦♦♦♦♦
Германскиот комитет за вакцинација STIKO издаде препорака вакцината против Ковид-19 на АстраЗенека да се користи само кај лица на возраст од 60 години и повеќе.
Со исклучок на два случаи, во сите извештаи за несакани ефекти биле вклучени жени на возраст од 20 до 63 години. Во другите два случаи биле мажи на возраст од 36 и 57 години. Девет од тие луѓе починале, соопштија од Институтот „Пол Ерлих“
Препораката доаѓа по извештаите за „ретки, но многу тешки тромбоемболиски несакани ефекти“, кај 31 лице што ја примило првата доза. Симптомите се појавиле четири до 16 дена по примање на вакцината, главно кај луѓе помлади од 60 години, според германскиот институт „Пол Ерлих“.
Се очекува STIKO да издаде понатамошно упатство за тоа дали да се администрира втората доза на вакцината кај лица под 60 години кои веќе ја примиле првата доза на АстраЗенека.
Претходно, германскиот медицински регулатор, Институтот „Пол Ерлих“, соопшти дека примиле извештаи за 31 лице вакцинирано со вакцината против Ковид-19 на АстраЗенека, кои страдаат од ретки тромби во мозокот. Девет од тие луѓе починале, објави Агенцијата денеска.
Во 19 случаи, луѓето имале ниско ниво на тромбоцити во крвта.
Со исклучок на два случаи, во сите извештаи биле вклучени жени на возраст од 20 до 63 години. Во другите два случаи биле мажи на возраст од 36 и 57 години.
Во објавата на регулаторот, не се наведува дали згрутчувањето на крвта е поврзано со вакцината. Вакцинацијата со АстраЗенека започна во февруари во Германија. (Си-Ен-Ен)
