Исхраната на детето во училишна возраст често е значаен предизвик како за него, така и за родителите. Ова е период на интензивен раст и развој, но и откривање на нови намирници. Во овој период е исклучително важно да се утврдат здрави навики, но и да се коснумираат намирници кои се нутритивно богати и искористливи како за физичкиот, така и за психичкиот развој.
КОИ СЕ НАЈПОЗНАТИ ЈАТКАСТИ ПЛОДОВИ?
КИКИРИКИТЕ се сметаат за најпопуларни јаткасти плодови иако тие единствено официјално не припаѓаат во оваа група, но поради сличниот облик, како и нутритивна вредност, се сметаат на најважен нивен претставник.
БАДЕМИТЕ се одлични за сите оние кои од некоја причина не консумираат млеко и млечни производи, оти се одличен извор на калциум. Преполни се со витамин Б и магнезиум, и на тој начин се јакне имунитетот и се штити срцето.
ОРЕВИТЕ ни се најдостапни, а се преполни со антиоксиданти кои го чистат организмот од штетните влијанија на слободните радикали и така спречуваат разни болести. Влијаат на одржување на нормален липиден статус и богати се се со омега-3 масни киселини.
БРАЗИЛСКИТЕ ОРЕВИ се најдобар извор на селен, кој ја подобрува функцијата на штитната жлезда, но учествува и во борбата против различни инфекции.
ИНДИСКИТЕ ОРЕВИ се богати со железо, па имаат особена важнпст кај девојчињата кои влегуваат во пубертет и кои често се борат со анемија.
‘ФСТАЦИТЕ се богати со витамин Б6, кој помага во одржување на хормонален баланс, но и зачувување на добар и квалитетн вид.
КОЛКУ ЈАТКАСТИ ПЛОДОВИ ДНЕВНО СЕ НЕОПХОДНИ?
Просечна порција на јаткасти плодови за училишно дете треба да биде 30 грама. Оваа мерка ја сочинуваат 30 ‘фстаци, 20 бадеми или лешници, 10 ореви или 30 кикирики. Оваа порција содржи 36% од дневните потреби за витамин Е, 13% од дневните потреби за влакна и 4 гр протеини. Значајно е богата и со Б комплекс, калциум, цинк, натриум и магнезиум. На детето не му давајте повеќе од 1 бразилски орев дневно.
