Колку пати ви дошло на врв на јазик (или во поминало!!!) на вашиот син или ќерка во одредени моменти да им викнете: “ист(а) си како татко ти!“
Да бидеме искрени, таква изјава ретко ќе ја употребиме кога сакаме да го пофалиме детето за нешто, а многу почесто, кога детето ќе не изнервира и со некое негативно однесување ќе не потсети на партнерот.
Сосема е нормално детето да впива однесување како својот родител и е сосема разбирливо. Таткото има големо влијание врз детскиот живот и воспитување и некои работи едноставно се “собираат до од“.
Стручњаците напоменуваат дека ваквите споредби не треба да се прават многу често, особено во негативен контекст или кога ќе дојде до расправија помеѓу партнерите. Затегантиот однос и споредувањето на детето со партнерот со кој штотуку сте се скарале не е нималку продуктивно.
ЗОШТО? ЕВЕ ГО ОДГОВОРОТ:
- Споредувањето всушност често значи навреда за родителот и детето
Можеби не размислувајќи, почесто тоа ќе го кажаете попатно, но всушност, таа споредба често има негативна конотација. “Не си ја исчистил собата, ништо не правиш исто како татко ти“. “Слушаш музика, а не си напишала домашна, одговорна си исто како и татко ти“.
Со ова всушност сте го навредиле и детето, а пред него и вашиот партнер, што не е музика за детските уши и неговиот здрав емоционален развој.
Дури и ако вие и вашиот партнер сте раздвоени, постојаното слушање дека е “токму како тато“ ако е секогап негативно во прашање, кај секое дете ќе создаде ‘горчлив вкус’ и чувство на несигурност и стрес.
Влијае на детските емоции кон таткото
Постојаното слушање како нешто лошо “повлекло“ на тато, кај детето може да влијае на развој на поделени чувства кон него. Зошто мама постојано зборува за тато, зошто тато така се однесува, зошто тоа сум наследил/наследила од него?
Кога детето на крајот ќе добие споредба со таткото во форма на комплимент, ќе се чувствува збунето. Исто така, еден ден вообичаените изјави како “личиш на татко ти“ или “се смееш исто како татко ти“ ќе го збунуваат и ќе го наведат да се запраша дали некој се обидува да го навреди или да му даде комплимент и што тоа всушност значи.
- Детето ќе помисли дека не го сакате
Понекогаш не сте свесни колку вообичаените зборови може да нанесат штета додека тоа не го слушнете од други лица кои ги слушнале тие зборови. Според стручњаците, дете кое додека расте постојано слуша забелешки упатени на таткото и забелешки на негова сметка што се идентични, може да дојде до заклучок дека мајката всушност не го сака таткото. А, со оглед дека постојано вели дека детето е исто како него, сигурно детето ќе се запраша, како е можно да го сака ако толку потсетува на лице со кое не е среќна?
Тоа може да остави трајно влијание на детето со кое ќе расте и ќе го носи во себе низ животот.
