Неплодноста може да биде многу непријатна тема и затоа луѓето често избегнуваат за неа да зборуваат. Тоа молчење доведува до создавање на чувство на анксиозност, стрес и збунетост помеѓу паровите на нивниот пат да добијат потомство.
Ова се четири најчести причини поради кои денес е се потешко да се забремени.
- Пад на квалитетот и квантитетот на спермата
Иако почесто се зборува за квалитетот и квантитетот на јајце клетките, и сперматозоидите овде играат голема улога. “Пред 20 години било нормално спермата на мажот да содржи 40 милиони сперматозоиди во милилитар, а денес под нормално се гледаат 20 милиони. Тешко е да се одреди што ја условува оваа промена, но малку е застрашувачки“, вели д-р Џил Блејквеј.
- Под голем стрес сме и неодморени
Не може да се негира дека денешниот просечен човек се наоѓа под големо ниво на стрес, а и спие се помалку и помалку часови во денот. “Кога телото се наоѓа под стрес, всушност завтоматски лачи помала количина на хормонот адреналин и прогестерон, кои се многу важни за овулацијата“, вели д-р Биндија Ганди.
- Изложени сме на токсини повеќе од порано
Токсините во воздухот, храната и водата доведуваат до бројни болести, а влијаат и на плодноста. “Рапидниот пораст на автоимуни болести, како болести на штитната жлезда, дијабетесот и целијакијата, може во голема мера да влијаат на проблемите со зачнувањето“, вели д-р Рејчел Меконел.
- Се помалку сме физички активни
Модерниот и брз стил на живот често оневозможуваат да се одржува здрав фитнес живот. Поради тоа, се соочуваме со почеста појава на дебелина, а жените со прелумерна тежина имаат чести пореметувања на менструалниот циклус и проблеми со овулацијата.
Но, според лекарите, и жените со нормална телесна тежина имаат еднакви проблеми предизвикани од седечкиот начин на живот. Премногу време дневно поминато седејќи, всушност го блокира протокот на крв до матката и до јајчниците.
