Сите останати идни мајки се борат со мачнинитево текот на бременоста, а вие сте минале низ првото тромесечје , без мачнини и повраќање. Но, иако го немате тоа непријатно чувство, можеби се прашувате дали вашето бебе е во ред и што не е во ред со вас.
Без грижа! “Речиси 30 проценти од бремените жени во целост прескокнуваат било какви мачнини“, вели д-р Мишел Хакаха, гинеколог од САД.
Зошто некои жени успеваат да избегнат “славење“ во тоалетот?
“Некои жени едноставно не доживуваат утрински мачнини. Некои ги немаат во првата бременост, но ги имаат во втората и обратно. Не доживува секој утрински мачнини, исто како што не секој доживува мачнини при патување“, вели д-р Мара Френсис, гинеколог од Тексас.
Можеби сте со посила градба, можеби подобро го обработувате порастот на нивото на хормони, како бета ХЦГ, естроген и останати хормони кои доаѓаат со првиот триместар. Тие нивоа на хормони брзо се шират во првите недели од бременоста, што може да предизвика проблеми во желудникот. Во вториот триместар, тие нивоа се уште се во пораст, но полесно ги поднесувате.
Кај помал процент од жените, недостатокот на утринска мачнина може да укажува дека нивото на нивните хормони е значително пониско од просекот и дека имаат зголемен ризик од спонтан абортус, но тоа обично не е случај – а, секако не треба да се грижите ако не чувствувате утринска мачнина, се додека вашиот гинеколог мисли дека нивото на хормонот изгледа задоволително. “Доаѓале многу жени во паника бидејќи не чувствувале утрински мачнини и мислеа дека се изложени на поголем ризик од спонтан абортус“, вели д-р Френсис и додава: “Ако немате утрински мачнини, тоа не значи дека имате абнормални нивоа на хормоните, тоа само значи дека подобро ја поднесувате бременоста“.
Но, и ако сте го минале првото тромесечје без мачнини, тоа не значи дека воопшто нема да ги имате. Иако повеќето жени утринските мачнини ги проживуваат помешу 8 и 14 недела, секоја жена и секоја бременост е поинаква, па може истите да се јават подоцна.
