Група на британски научници се обидоа да откријат зошто некои луѓе одбиваат да се вакцинираат. Нивната студија ги проучувала одговорите на 11.740 лица кои одговарале на прашања за вакцината во ноември и декември 2020 година. Нивните одговори биле споредени со резултатите добиени во шесте рунди на тестирање во 2011 и 2012 година.
Проблемот е во тоа што, кога научниците повнимателно ги проучиле резултатите, откриле дека кај луѓето кои имале послаби резултати на когнитивните тестовите и тестовите за интелигенција, процентот на оние кои планирале да одбијат вакцинација бил дури 76 проценти
Според студијата објавена во списанието „Brain, Behavior and Immunity“, од 11.955 лица кои целосно одговориле на прашалникот за намерата да се вакцинираат против Ковид-19, 17,2 проценти од испитаниците јасно рекле дека не сакаат да бидат вакцинирани.
Меѓу оние кои најчесто изразувале намера да одбијат вакцинација биле претежно млади жени (девојки), припадници на етнички малцинства, со послабо образование.
Исто така, овие лица често немале други болести ниту биле во контакт или живееле со лица кои се вбројувале во ризични групи.
Проблемот е во тоа што, кога научниците повнимателно ги проучиле резултатите, откриле дека кај луѓето кои имале послаби резултати на когнитивните тестовите и тестовите за интелигенција, процентот на оние кои планирале да одбијат вакцинација бил дури 76 проценти.
„Неточните извештаи на социјалните мрежи можеби ги искомплицираа личните одлуки за вакцинација, поради што луѓето со помал коефициент на интелигенција се посклони да ја одбијат вакцината. Кај поединци со помал коефициент на интелигенција исто така е забележана и повисока стапка на заболување од Ковид-19 пред вакцините да станат достапни“, велат истражувачите, Дејвид Бети од Универзитетскиот колеџ во Лондон, Иан Џ. Дери и Дру Алтчул од Универзитетот во Единбург и Клое Фаунс-Ричи од Универзитетот во Саутемптон.
