Некои жени воопшто не се сомневаат на бременост, се додека не сфатат дека им доцни месечниот циклус. Доцнењето и изостанокот на менструација е најчест и често единствен симптом на бременост на самиот почеток. Но, што ако во време на очекувана менструација, сепак се појави крварење и тоа секој месец? Дали тогаш е можно да сте бремени?
“По правило, менструација се нарекува само она крварење кое жената го има циклично и во отсуство на бременост. Секое друго крварење освен наведеното се смета едноставно за крварење, чија причина се настојува веднаш да се испита, со цел да се прецизира природата на пореметувањето“, вели гинеколог д-р Ерден Радончиќ и објаснува дека ако се работи за бременост – се разликува крварења кои се јавуваат во првото, второто и третото тромесечје, и секое од нив има некоја најверојатна причина која со преглед и одредени испитувања јасно може да се диференцира.
“Надвор од бременост, краврењата може да бидат дисфункциски или секундарни, по некое друго пореметување ги предизвикува или понекогаш ги потенцира“, објаснува гинекологот и додава дека секое крварење се смета за опасно, се додека не се разјасни неговата природа.
Д-р Радончиќ објаснува и дека посебна група на крварења упатува на вонматерична бременост, кога често со клинички преглед и/или ултразвук не се наоѓаат јасни знаци на бременост во матката, но крвниот (хормонски, ХЦГ) тест недвосмислено покажува бременост.
“Тој тест е најсигурен тест воопшто во медицината, и присутноста во крвта на жената, 100 процентно зборува во прилог на бременост. Откако ќе дојде до бременост, менструалниот циклус кај жената е суспендиран, така што не може да се зборува за менструација во бременост“, вели гинекологот.
Но, нагласува тој, понекогаш може да се случи да се појават едно или две крварења кои се поклопуваат со очекуваниот термин на календарска менструација, но тука и натаму не може да се зборува за циклус, туку за крварење. Тоа, според д-р Радончиќ може да биде знак на предупредување дека нешто невообичаено се случува во бременоста.
