Родителите и понатаму ги поттикуваат децата да го изедат целиот сервиран оброк, иако денешните порции се многу поголеми од некогаш. Како резултат на тоа, децата се потешко може да одредат кога им е доволно.
Ново истражување вклучило податоци од околу 2.000 адолесценти и 3.500 родители. Резултатите покажале дека татковците биле посклони да ги поттикнуваат децата да изедат се што е на чинијата. Притисокот бил поголем врз момчињата во тинејџерските години, отколку врз девојчињата.
Порциите храната се се поголеми со текот на времето. Во 50.години на минатиот век консумирањето на целиот оброк значело нешто друго во споредба со денес. Лекарите предупредуваат дека ако децата се поттикнуваат да се потпираат на количината храна која е се уште е пред нив, нема да ги препознаат внатрешните сигнали кои има кажуваат дека се сити.
Некои стручњаци веруваат дека опасноста од детската прекумерна тежина се влошува ако родителите не се во можност да проценат дали се нивните деца имаат здрава тежина. Голем број деца денес имаат проблеми со прекумерната тежина, а родителите понекогаш не воочуваат дека нивните деца деца немаат здрава тежина, особено кога се во друштво на обезни деца.
Ова истражување е објавено паралелено со истражувањето на д-р Брајан Вансинк од Универзитетот Корнел во Њујорк кое вели дека клучот на избегнувањето прејадување е во малите оброци. Тоа истражување наведува на заклучок дека присилувањето на децата да ја изедат целата храна во чинијата лошо влијае на подоцните навики во исхраната.
