Жените и вообичаено повеќе страдаат од хемороиди за разлика од мажите, со оглед дека доаѓа до намалување на перисталтиката на цревата. Идните мајки помалу се движат, особено во втората половина од бременоста, кога телесната тежина им е поголема, или затоа што имаат ризична бременост, па не им се препорачува физичка активност. Покрај тоа, матката создава притисок во стомакот, што го отежнува враќањето на крвта од долните делови на телото. Со тоа венските садови уште повеќе се шират, а хемороидите се комплицираат.
Проблемот со хемороиди во бременоста може да биде потенциран и со хормоните (естроген, прогестерон), кои тогаш се лачат во поголема количина, како и со притисокот на матката на венскиот систем на малата карлица. Ова доведува до застој на крв во венскиот систем на ректумот и проширување на венските синуси. Се се тоа причини поради кои во бременоста или се создаваат нови, или се активираат веќе постоечките хемороиди.
Кога вообичаено се појавуваат?
Како напредува бременоста, поголема е веројатноста дека ќе се појават хемороиди, а најчесто тоа се случува во доцната бременост, по петиот месец. Но, прв пат може да се јават и во текот на самото породување, или дури и по породувањето.
Кај жените кои овие проблеми ги имале пред бременоста, хемороидите може да се јават и порано, на почетокот од бременоста. За среќа, кај повеќето жени кои имаат хемороиди поврзани со бременоста, тие се привремен проблем.
