Спуштените сводови се појавуваат поради природна слабост или поради недоволна активност на мускулите на стапалата. Децата главно се презаштитени во првите години од животот, кога се формираат сводовите, па недоволно зајакнатите мускули попуштаат под тежината на детето. Тоа се случува и кога детето многу ќе се здебели или нагло ќе порасне.
Во училишна возраст, најголем број деца немаат навика за вежбање и занимавање со спорт, така што со нивниот раст се зголемува ризикот од појава на спуштени сводови.
Децата со рамни стапала и спуштени сводови често имаат болки во стапалата, брзо се заморуваат, не можат долго да пешачат, неволно трчаат или трчаат неправилно, па и ова е причина што го избегнуваат спортувањето.
- Дали детето има рамни стапала или спуштени сводови може да видите ако со мокри стапала застне на трамна површина и остане трага. Ако има отстапување во однос на нормалниот отисок, детето треба да се однесе на преглед кај лекар.
- Друг начин да проверите дали е присутен деформитет е детето со боси нозе да застане пред вас, свртено со грб. Ако воочите дека Ахиловата тетива на петата е искривена настрана и петата е заротирана во поле, а потпората на стапалото на под на внатрешната страна, детето сигурно има рамни стапала или спуштени сводови.
