Додека го заспивате вашето бебе, па дури и ако сте многу внимателни и го ставате да спие исклучиво на грб, притоа обезбедувајќи му доволно удобност за мирен сон, веројатно размислувате за потенцијалните ризици.
Штом вашето дете ќе научи да се превртува на страна, често може да го најдете како лежи на стомаче, па оттука и прашањето, колку оваа положба е безбедна и правилна за спиење. Иако може да ви изгледа дека на бебето така му е најудобно, подобро е да не ја правите оваа грешка.
Најбезбедна положба за спиење на новороденчиња
Спиењето на грб е најбезбедно – тоа е основното правило. Повеќе истражувања покажале дека спиењето на стомак, всушност, го зголемува ризикот од синдром на ненадејна смрт кај новороденчиња (SIDS).
Експертите советуваат бебето да продолжи да спие на грб до првиот роденден. Доколку во сон се преврти на стомак, треба нежно да го вратите на грб
Иако бројот на вакви несреќи е релативно мал, потребен е внимателен пристап. Доколку видите дека бебето лежи на стомак, свртете го на грб.
Според препораките на Американската академија за педијатрија, се советува бебето постојано да се става на грб, особено во текот на првата година. Лежењето на грб, меѓу другото, помага да се подобри протокот на воздух низ телото.
📚 Прочитајте и… СИНДРОМ НА НЕНАДЕЈНА СМРТ НА ДОЕНЧИЊА: Сè што родителите треба да знаат за ризикот од СИДС по возраст
Многу родители се загрижени дека оваа положба може да го зголеми ризикот од гушење, но експертите посочуваат дека нема причина за загриженост, бидејќи анатомијата на дишните патишта кај новороденчињата и заштитниот рефлекс спречуваат вакви ситуации.
Кога е безбедно бебето да спие на стомак?
Експертите советуваат бебето да продолжи да спие на грб до првиот роденден. Доколку во сон се преврти на стомак, треба нежно да се врати на грб. Откако бебето ќе наполни една година и ќе може самостојно да седи без потпора, тоа значи дека му се доволно развиени мускулите на вратот и торзото, па може самостојно да ја контролира својата положба, пишува Times of India.
Во овој период, дури и ако ненамерно се најде во потенцијално ризична положба за време на спиење, бебето ќе може само да се премести во удобна и безбедна положба.
