За детето е покорисно приказната за добра ноќ да му ја чита тато, отколку мама. Според новото истражување на Универзитетот Харвард, интерпретацијата на таткото на приказните им помага на децата повеќе да ја користат својата имагинација. Истражувачите тврдат дека тоа е подобро и за развој на говорот. Откако една година им биле читани приказни за добра ноќ, напредок во развојот на говорот бил забележан кај девојчињата, и тоа кај оние на кои приказните им ги читал маж.
„Влијанието е огромно, особено ако татковците почнале да им читаат на своите деца пред да наполнат две години“, вели авторот на студијата Елизабет Дурсма. „Бидејќи читањето обично се смета за женска активност, децата се повеќе вклучени кога нивните татковци им читаат, тоа е попосебно искуство за нив“, објаснува таа.
Таа, исто така, открива дека мажите и жените имаат различен пристап кон оваа задача. Жените почесто поставуваат конкретни прашања како „Колку јаболка гледаш?“, додека мажите претпочитаат да поставуваат апстрактни прашања.
„Поверојатно е татковците да речат: „Гледај, скала. Се сеќаваш кога возев скали во камионот? Ова е одлично за развојот на говорот на детето бидејќи тоа мора повеќе да го користо мозокот. Тоа е повеќе предизвик“, објаснува Дурсма.
Експертот за родителство Џастин Коулсон објаснува дека читањето го проширува детскиот речник. „Им помагаме да се чувствуваат безбедно, а тоа може да има позитивно влијание врз нивната способност за учење“, вели тој.
