Бременоста со себе носи различни тегоби, а една од нив се и повремените болки поради кои идните мајки знаат сериозно да се загрижат.
Но, болката не е нужно знак за тревога, таа е само знак дека вашето бебе расте и вашето тело се менува. Еве ги 10-те најчести причини за болка за време на бременоста.
- Истегнување на лигаментите на матката
Вашата матка е поддржана од кружни лигаменти, а како што растат вашето бебе и матката, тие се растегнуваат. Болката во кружните лигаменти се чувствува како остра болка во стомакот која се влошува при движење или вртење.
- Ектопична бременост
Ако имате болки во стомакот и допрва треба да направите ултразвук за да ја потврдите бременоста, болката што ја чувствувате може да укажува на ектопична бременост. Важно е итно да посетите лекар.
- Абортус
Првиот знак за спонтан абортус може да биде абдоминална болка или крварење. Жените често ја опишуваат оваа болка како силна менструална болка или дури и породилни контракции.
- Контракции
Ако сè уште не е време за породување, а чувствувате мала повремена болка и затегање на матката, може да се работи за лажно трудови болки Бракстон-Хикс контракции, кои го подготвуваат вашето тело за раѓање. Доколку сте блиску до терминот, консултирајте се со доктор бидејќи може да се работи за предвремено породување.
- Вклештување на нерви
Острата болка што се протега по долниот дел на грбот или низ ногата може да биде резултат на притискање на матката на ишиладниот нерв. За среќа, кај овие болки може да помогне промена на положбата, масажа или земање дозволен лек против болки.
- Дисфункција на симфизата
Ова е можеби најболното нешто што една жена може да го доживее за време на бременоста. Жените се жалат на болка во пределот на пубичната симфиза, што исто така може да влијае на контролата на нозете.
- Одвојување на ребрата и компресија на нервите
Болка во ребрата, болки во грбот, болки во рамениците… За сите овие тегоби можете да му се заблагодарите на бебето што расте, а со тоа ја зголемува и вашата матка, како и на хормоните на бременост кои ги прават зглобовите помалку стабилни.
- Абрупција на плацентата
Ова е компликација во бременоста која може да биде опасна по живот. Предизвикува силна абдоминална болка и вагинално крварење. Ако ги забележите овие симптоми, посетете лекар.
- Запек или хемороиди
Бременоста ве прави склони кон запек и хемороиди. Разговарајте со вашиот лекар за да најдете решение што ќе ги ублажи вашите симптоми.
- Болка која не е поврзана со бременоста
На трудниците може да им се случат и проблеми како што се воспаление на слепо црево, камења во бубрезите, жолчни камења и други заболувања. Ако почувствувате какви било ненадејни проблеми, јавете се на лекар.
