Веројатно секоја жена улогата на мајка ја преземала со одредени очекувања и уверувања за тоа како тоа ќе изгледа – со идеја да биде добра мајка. Дел од тие очекувања и надежи се последица на притисокот од нашата околина. Пријателите, семејството, медиумите… Се се тоа надворешни фактори кои имаат поголемо или помало влијание врз нашиот живот.
Поради сето горенаведено, понекогаш е тешко да се следат сопствените, но и туѓите идеи за тоа како треба да се однесува ако сакаме етикета на добра мајка.
Постојат различни списоци кои ја дефинираат добрата мајка. Некои од нив велат дека добрата мајка секој ден стига да ги искапе децата, да ја исчисти куќата, да зготви најздрав ручек… Велат и дека добрите мајки го поминуваат секој момент со своите деца, дека се бескрајно трпеливи, дека се во животот се одвива точно како што испланирале…
Слободно заборавете на овие и слични списоци. Добрите мајки се сепак нешто друго. Во продолжение се десет работи што ги прават навистина добрите мајки.
- Добрите мајки грешат и не се срамат да признаат дека згрешиле
- Добрите мајки се тука за своите деца кога им требаат
- Добрите мајки ги учат своите деца на важноста на самопочитта
- Добрите мајки им оставаат простор на нивните деца да грешат и да учат од своите грешки
- Добрите мајки ги оставаат своите деца. Можеби не често, можеби не долго, но тие имаат свои активности кои не вклучуваат деца. Имаат време за себе.
- Добрите мајки се грижат за себе
- Добрите мајки се однесуваат кон другите со почит и така на своите деца им даваат најдобар можен пример
- Добрите мајки имаат лоши денови.
- Добрите мајки се почитуваат себеси.
- Добрите мајки им кажуваат на своите деца дека ги сакаат.
