10 реченици што секој родител треба да ги чуе – за да не заборави колку вреди

Родителството е полн работен ден, со многу грижи и уште повеќе љубов. Овие охрабрувачки реченици се потсетник дека не сте сами – и дека е во ред да бидете и ранливи, и уморни, и човечки.

Родителството носи безброј предизвици, а родителите често имаат чувство дека никогаш не прават доволно. Во забрзаното темпо на секојдневниот живот, лесно е да се изгубите во обврските, во чувството на вина или во притисокот дека сè мора да биде совршено. Токму затоа, едноставните зборови на охрабрување можат да имаат огромно значење – тие нè потсетуваат дека е во ред да застанеме, да бидеме ранливи и дека малите промени можат да донесат големи разлики.

Психологот Џејми Блох, сподели список на силни афирмации – пораки наменети токму за родителите. Нејзините зборови ги охрабруваат родителите да бидат нежни кон себе, да најдат сила во паузата и да имаат доверба во својот пат, дури и кога тој изгледа хаотичен.

Секоја реченица е потсетник дека не сте сами во своите мисли – и дека понекогаш, токму зборовите се тие што враќаат надеж, нежност и смисла.

  1. „Не мора да ви биде се разјаснето за да го направите следниот чекор.“

  2. „Заздравувањето е неуредно. По тоа знаете дека навистина се случува.“

  3. „Не сте зад другите – точно сте таму каде што треба да бидете.“

  4. „Можете да се сакате себеси и сè уште да посакувате да растете.“

  5. „Најцврстите граници доаѓаат од најнежните срца.“

  6. „Вашата вредност никогаш не е тема за расправа.“

  7. „Одморот не е мрзеливост – тој е начин да останете доволно силни за да продолжите.“

  8. „Ослободете ја верзијата од себе што само преживувала. Сега имате право да напредувате.“

  9. „Не сте „премногу“. Вие сте доволни.“

  10. „Мирот не се наоѓа преку контрола на животот, туку преку учење како да му верувате.“

Овие реченици не се решение за сите предизвици што ги носи животот и родителството, но се важен потсетник: вие сте вредни, доволно добри и силни. Нè учат дека нежноста не е слабост – туку простор од кој се раѓаат храброста и отпорноста.

„Тешко е да се сетиме да уживаме во малите моменти, особено кога животот изгледа хаотичен. Афирмациите и зборовите на охрабрување можат да ги насочат нашите срца повторно. Не потсетуваат што навистина е важно. Ни ја враќаат надежта, нежноста и смислата – дури и кога ни е најтешко“, заклучува Блох.

ПОВРЗАНИ НАПИСИПОВЕЌЕ ОД АВТОРОТ