Кога детето ќе почне да јаде цврста храна, и бебето и мајката минуваат низ период на истражување за да се утврди што најмногу на детето му годи. Сепак, нутирционистите советуваат овие 10 намирници задолжително да се вклучат во исхраната на детето.
БОБИНКИ – ова овошје, како малини, брусница и боровница, преполно е со витамини и антиоксиданти, а содржат и влакна, кои помагаат во правилно функционирање на дигестивниот тракт.
РИБА – ова месо е богато со мега-3 масни киселини, кои влијаат на правилен развој на мозокот.
СЕМКИ – сусам, чиа семе, семки од сончоглед и тиква содржат магнезиум, протеини, влакна и добри масти, а може да се ставаат во речиси секој оброк.
ЛИСНАТ ЗЕЛЕНЧУК – зелка, спанаќ, кељ и брокула содржат калциум, влакна, железо, витамин Ц, фолна киселина, омега-3 масни киселини, сите нутриенти неопходни за здрав и правилен развој на детето.
ЈАТКАСТИ ПЛОДОВИ – со магнезиум, тие содржат витамини од Б групата, здрави масти и бројни други здрави состојки. Секојдневно, во оброците вклучете ореви, бадеми, лешници, како и кикирики, секако ако не е алергично.
ПОРТОКАЛОВО ОВОШЈЕ И ЗЕЛЕНЧУК – тиква, морков, компир, манго, портокали… содржат витамини Ц и А, калиум и други состојки кои се многу здрави.
НАМИРНИЦИ ОД ЦЕЛО ЗРНО – како што се кафеав ориз, интегрални тестини, киноа и елда, го елиминираат ризикот од бројни хронични болести и го јакнат имуниот систем.
НАМИРНИЦИ БОГАТИ СО ВОДА – Се покажало дека голем број деца страдаат од дехидратација, а за тоа да се спречи, во исхраната вклучете лубеница, диња, грозје, портокали и краставици. Покрај доволна количина вода, овие намирници содржат витамини, влакна и минерали.
ЈОГУРТ е суперхерој на млечните намирници, поради здравите бактерии, протеини и калциум.
ОВЕС или овесна каша е одличен избор за појадок, оти му дава на детето потребна енергија. Имајте предвид дека купечките каши се преполни со шеќери.
