Само од себе се наметнува прашањето, што всушост значи да се биде “добра мајка“ и може ли тоа некако да се измери? Во време кога социјалните мрежи цветаат и кога лесно може да ѕирнете во туѓите семејни животи, стана се повообичаено да се споредува со други.
Како да уредите совршена детска соба, која облека да ја изберете за детето, кои витамини, на кои активности да го запишете, што е совршен роденденски, а што новогодишен подарок?! Кој добил најмалку, а кој најмногу, кој утрото по Нова Година го дочекал во совршени пижами?
Понекогаш кога сте бомбрадирани со сите тие слики на совршенство, мајчинството и тоа како може да изгледа како натпревар, а често во вашите очи, натпревар во кој заостанувате.
Колку често се приспитувате и колку често ви е разнишана самодовербата?
Можеби многу често, па ќе се обидеме да разбиеме некои од предрасудите наведувајќи што НЕ ВИ ТРЕБА за да бидете добра мајка:
Секогаш совршено нутритивно избалансирани оброци – особено ручек и вечера. И секако, свежо подготвени дома.- Однапред испланирани забавни активности кои ќе ја разбудат детската креативност.
- Деца кои секогаш соработуваат и слушаат се што ќе им кажете.
- Скапи когнитивни играчки од извикани и преценети продавници.
- Блескав и беспрекорно чист дом.
- Систем на средување на играчките.
- Врно стилизирана детска соба, наместена со моментално популарни детали што сите ги посакуваат.
- Бесмислени активности за децата како часови по пијано за двегодипно дете и слично.
- Деца кои точно навреме или предвреме ги поминале сите свои развојни скалила.
- Совршени декорации за секој празник.
- Спремен вистински одговор за секое однесување на детето во секое време на денот.
- Неделни или месечни планери и распореди – за оброци, дружења или активности.
- Дете кое со неполни две години знае само да седне на нокшир.
- Страст за играње со своето дете.
- Никогаш да не почувствувате чувства на фрустрација, замор, гушење…
- Преслатка облека која нема извлечен ниту еден конец, а не пак дамка.
- Семејни фотографии закачени низ целата куќа од презабавни семејни излети, патувања и случувања.
- Доење.
- Скапа приватна градинка.
- Секогаш договорени дружења.
