⇒ 74 МИЛИОНИ
животи спасени од 2000 година со глобалните напори да се стави крај на ТБ
⇒ 10,6 МИЛИОНИ
луѓе се разболеле од ТБ во 2021 година
⇒ 1,6 МИЛИОНИ
луѓе починале од ТБ во 2021 година
Светскиот ден на туберкулозата се одбележува секоја година на 24 март за да се подигне свеста за ТБ и напорите да се стави крај на глобалната епидемија, одбележувајќи го денот кога во 1882 година д-р Роберт Кох го објавил откривањето на бактеријата која предизвикува туберкулоза, што го отворило патот за дијагноза и третман на оваа болест.
Светскиот ден за борба против туберкулозата 2023 година кој се одбележува под слоганот „Да! Можеме да ставиме крај на ТБ!“, има за цел да инспирира надеж и да поттикне лидерство на високо ниво, зголемени инвестиции, побрзо прифаќање на новите препораки на СЗО, усвојување иновации, забрзана акција и мултисекторска соработка за борба против епидемијата на ТБ.
Кога лице со нетретирана заразна белодробна туберкулоза кашла, кива, се смее или зборува, ги исфрла бактериите на туберкулоза во воздухот заедно со капките плунка. Овие многу мали честички лебдат во воздухот долго време и преносот на инфекцијата се случува кога друго лице ги вдишува
Оваа година е критична, со можности да се подигне видливоста и политичката посветеност на состанокот на високо ниво на ОН за ТБ во 2023 година. Во центарот на вниманието на Светскиот ден за борба против туберкулозата ќе биде побарано од земјите да го засилат напредокот во пресрет на состанокот на високо ниво на ОН за туберкулоза во 2023 година. СЗО, исто така, ќе објави повик за акција со партнерите во кои ќе ги повика земјите-членки да го забрзаат воведувањето на новите пократки режими за целосно орален третман за ТБ отпорна на лекови, препорачани од СЗО.
Светскиот ден на туберкулозата е ден за едукација на јавноста за туберкулозата. Туберкулозата е заразна болест предизвикана од бактеријата Mycobacterium tuberculosis. Инфекцијата се пренесува преку воздухот, исклучително ретко на друг начин. Најважен извор на пренос на инфекција се пациентите со белодробна туберкулоза. Кога лице со нетретирана заразна белодробна туберкулоза кашла, кива, се смее или зборува, ги исфрла бактериите на туберкулоза во воздухот заедно со капките плунка. Овие многу мали честички лебдат во воздухот долго време и преносот на инфекцијата се случува кога друго лице ги вдишува. Ако некое лице има добра отпорност на телото, инфекцијата со вдишени капки кои содржат бактерија туберкулоза се надминува уште во почетокот и болеста најчесто не се јавува. Само 10 % од заразените ќе се разболат од туберкулоза подоцна во животот, а најчеста причина е намалувањето на отпорноста на организмот предизвикано од стрес, неухранетост, лоши услови за живот, алкохолизам, некоја хронична болест или ХИВ инфекција.
Туберкулозата може да се појави во кој било дел од телото, но најчесто се јавува во белите дробови. Најчести симптоми на белодробна туберкулоза се кашлица, понекогаш со појава на крв во спутумот, покачена температура, ноќно потење, губење на апетитот, губење на тежината и општо чувство на слабост.
Симптоми:
- блага кашлица и малку покачена телесна температура,
- замор,
- губење на тежина,
- крв при искашлување,
- ноќно потење.
Дополнителни симптоми кои можат да бидат поврзани со туберкулоза:
- при слушање со стетоскоп се слуша изменет шум на дишење,
- прекумерно потење,
- отечени лимфни жлезди,
- болки во зглобовите,
- губење на слух,
- дијареја,
- болки во градите.
Кај децата, дополнителни симптоми вклучуваат:
- треска 38-39 °C,
- забрзано дишење,
- недостаток на воздух,
- кашлица.
Како да се заштитиме од туберкулозна инфекција?
Блискиот контакт со лице кое боледува од белодробна туберкулоза е најважен за пренесување на инфекцијата. Најголеми шанси да се заразат имаат членовите на семејството и луѓето кои живеат во исто домаќинство или кои поминуваат неколку часа во иста просторија со болниот. Сите лица во близок контакт со заразен пациент треба да контактираат лекар специјализиран за белодробни заболувања за преглед.
Кој има зголемен ризик од заразување со туберкулоза?
- деца помлади од 3 месеци,
- постари лица,
- ХИВ позитивни лица,
- зависници од дрога и алкохол,
- пушачи,
- лица под долготрајна имуносупресивна терапија.
Најважната превенција од ширење на туберкулозата е раното откривање и лекување на лице кое боледува од белодробна туберкулоза, бидејќи тоа е најефективниот начин за отстранување на изворот на инфекција. Просториите во кои престојува пациентот мора да бидат чисти и добро проветрени. Природната вентилација е едноставен и ефикасен начин за намалување на концентрацијата на бацили во воздухот во затворен простор бидејќи го намалува ризикот од зараза.
