Постојат многу причини зошто бебето не спие ноќе, но важно е да се знае дека тие имаат пократок циклус на спиење и не спијат длабоко како возрасните. За време на преминот од фаза на длабок сон кон лесен сон, бебињата се будат ако се гладни, влажни, ако им е жешко, студено или ако чувствуваат каква било друга непријатност. Тешко е и за возрасен да заспие кога се чувствува нелагодно, нели?
Овие три начини му помагаат на бебето да спие подобро.
- Смирете го детето
Многу луѓе сакаат да го исцрпат детето, бидејќи мислат дека така побрзо ќе заспие и подолго ќе спие. Но, тоа не е точно. Наместо тоа, обидете се да го смирите детето пред да оди на спиење. Најпаметно е да избегнувате енергични игри и наместо тоа да се одлучите за мирни активности како што се читање сликовници или гушкање.
- Воспоставете рутина за спиење
Телото е машина, држете се до распоред и тоа ќе го следи. Затоа, потребно е да се внимава детето секоја вечер да легнува да спие приближно во исто време, а барем еден час пред тоа да заборавите на сите екрани. Сината светлина на мобилните телефони, таблетите и телевизиските екрани влијае на мозокот така што го активира.
- Создадете добра средина за спиење
Детето треба да разликува ноќ од ден. Ако сè уште се будите поради ноќно доење, обидете се да доите без светло или со многу слабо осветлување.
Не мора ни да менувате пелени во текот на ноќта ако тоа не е апсолутно неопходно. Еден од најчестите митови поврзан со детскиот сон е дека во станот мора да владее апсолутна тишина додека бебето спие. Наместо тоа, правете се што обично правите, не ги затворајте прозорците за да ги пригушите надворешните звуци – оставете го детето да се навикне на тоа. Понекогаш е дури и добро да ја промените средината во која спие бебето, бидејќи во голема мера ќе си олесните за идни патувања или посебни прилики во кои детето нема да може да спие во своето креветче и строга тишина.
