Децата често не знаат да објаснат што им е потребно, од од силните надојдени емоции доаѓа до без кој на родителите никогаш не им е пријатен. Се трудат на разни начини да им удоволат на своите малечки, но некогаш и самите не знаат што да направат за да го смират детето.
Ситуациите се бројни, а најнепријатни сигурно се оние кои се случуваат меѓу луѓе. Меѓутоа, немојте д амислите дека само вашето дете е “ѓавол“, сите се. Психологот Дона Камерон открива кои се четирите најчести изливи на бес, но и начините кои може да ви помогнат да ги надминете.
ПРЕМОР
Првиот бес на кој треба да обрнете внимание е премореноста. Ако вашето дете ја прескокнало дремката или не спиело добро, тогап сета рационалност исчезнува. Ова е вид на бес во кој малите деца почнуваат да ја мразат својата омилена храна, играчки и сè што знаете дека сакаат.
Најдобар метод за да се надмине ова е “планираното игнорирање“, поточно необрнувањето внимание на неговото однесување.
“Во оваа состојба, вашето дете нема ум или моќ да слуша какви било зборови. Всушност, сè што ќе кажете или ќе се обидете ќе го фрустрира уште повеќе”, вели Камерон и предлага наместо да му објаснувате, да се обидете да го смирите детето и да му одвлечете вниманието со музика или играчка, а потоа да му понудите голема прегратка кога ќе се смири.
ГЛАД
Без разлика колку години имате, сигурно сте искусиле бес од глад. За жал, кога станува збор за мали деца кои го преминуваат прагот на глад, тие често одбиваат да јадат било што.
Наместо да им давате јогурт или нешто што сте планирале, прашајте го детето што попрво би јадело за да почувствува возбуда поради можноста да јаде што сака. Можете исто така да се обидете да му дозволите да се храни само или, ако сè уште одбива, обидете се еден час подоцна.
НЕ САКА ДА СЛУША
Понекогаш не е важно што правите, вашето дете едноставно нема да ве слуша. Меѓутоа, поместувањето на границите и предизвикувањето бес не се форма на лошо однесување, тоа е начин децата да ги изразат своите потреби, објаснува психологот.
“Тие се сосема нормални и зборуваат за неспособноста на вашето дете да ги пренесе своите фрустрации и потреби во таа рана фаза“, вели Камерон.
Со оглед на овие познати факти, треба да поставите цврсти последици ако тоа не ве послуша.
“Повторете ја задачата уште еднаш и објаснете го исходот ако не го стори тоа“, предлага таа и објаснува дека тоа не само што ќе помогне при нападот на бес, туку и ќе помогне детето подобро да донесува одлуки.
САКАМ, САКАМ, САКАМ
Изливите на бес во кои вашето дете сака нова играчка во продавница или омилената прекривка на својот брат или сестра, често може да бидат најагресивни. Но, наместо да попуштите, треба само да останете на вашиот став, дури и ако тоа значи дека бесот ќе потрае некое време.
“Децата се многу паметни и брзо ќе научат да го препознаваат расположението на нивните родители и што треба да направат за да ги доведат до точка на премислување за да им го дадат она што го сакаат“, вели психологот.
