Децата речиси никогаш нема да кажат дека се уморни, а за да се избегне хистерија и плачење, важно е родителите да научат да ги препознаваат знаците кои укажуваат дека нивните малечки се преуморни и престимулирани.
Еве кои четири неочекувани знаци дека децата се уморни:
- ‘Се лепат’ за вас
Понекогаш кога децата се престимулирани и уморни, тоа го покажуваат со тоа што сакаат постојано да бидат со својата мајка. На пример, детето оди од соба во соба следејќи ја својата мајка затоа што, поради сета стимулација што ја имало во текот на денот, му треба блискоста на мајката за да ја ублажи анксиозноста и да обезбеди чувство на сигурност.
- Промени во апетитот или исхраната
Децата може да променат некои од нивните навики во исхраната кога се чувствуваат претерано стимулирани. На пример, може да се случи дете кое инаку сака одредена грицка, сега одеднаш да не покаже интерес за тоа. Стресот и заморот можат да влијаат на апетитот на децата без тие воопшто да забележат.
- Фрустрација поради секоја ситница
Ги знаете оние мали моменти кога ќе се случи нешто безопасно, како тоа да детето не успева само да облече чорап од првпат, а потоа следи хистерија? Ова може да биде знак дека вашето малечко е претерано стимулирано и уморно. Фрустрацијата поради мали нешта може да биде сигнал дека детето е преоптоварено со некои други работи.
- Избегнување на работи кои детето вообичаено ги сака
Ако дете кое инаку е зборливо и активно одеднаш стане тивко и незаинтересирано за работите што ги сака, обрнете внимание. Понекогаш децата се воддалечуваат од работите во кои вообичаено уживаат затоа што се „премногу“ за нив во тој момент кога се под стрес или престимулирани од нешто друго.
