Можеби би сакале да го заштитите детето од сè што е помалку убаво и добро, од сè негативно што вие самите можеби сте го доживеале во детството.
Ако вашето дете во моментов се соочува со нешто непријатно, веројатно сакате да му ги одвратите мислите на подобра и поведра ситуација. А самата помисла вашето дете да биде повредено, отфрлено, прозивано или со скршено срце, и вам ви го крши срцето.
Првиот инстинкт ви кажува да направите се што е во ваша моќ за да го одбраните, зачувате или заштитите детето. Но, понекогаш би било добро да се издигнете над тие чувства и да видите дали му правите услуга на детето кога гледате на долги патеки.
Имено, понекогаш овој тип на интервенција е повеќе „лоша услуга“ за децата отколку навистина потребна заштита.
Дали сте доволно емотивно и ментално силни за да се воздржите од интервенирање кога ви гори под нозете и би излегле од сопствената кожа?
Ментално силните родители не ги прават овие работи, бидејќи на долг рок со тоа прават најдоброто за своите деца:
- Не бегаат од проблеми
Ментално силните родители не ги решаваат проблемите на своите деца, ниту им вртат грб. Всушност, соочувањето со проблемот го учи детето на издржливост, го учи како функционира светот и го збогатува со вештини за решавање проблеми во секоја ситуација.
На детето не му треба ништо повеќе освен да му се покаже и објасни како да се справи со проблем, загуба или неуспех и дека тоа се нормални случувања во животот на секој човек.
- Не казнуваат туку воспитуваат
Ако сте ментално силни, можете да ја видите разликата помеѓу казнувањето позитивното дисциплинирање. Позитивната дисциплина, покрај тоа што е поисправен и поуспешен начин на воспитување на децата, негува и добар однос меѓу родителите и децата, кој се гради на доверба и меѓусебно почитување. Со позитивна дисциплина му покажувате на вашето дете дека вашата врска е безусловна и дека секогаш ќе наоѓа поддршка во вас.
- Тие се примери
Децата најдобро учат гледајќи ги постапките и однесувањето, а не од моќните лекции што секој може да ги каже. Ментално силниот родител е вистински пример за неговото дете. Тој не му објаснува на детето како да се однесува во одредена ситуација, туку дава пример со своето позитивно однесување.
Ако вие како родител кажете едно, а правите нешто сосема друго, децата нема да го „соберат“ она што го кажувате туку она што го правите. Затоа, внимавајте, децата се како сунѓери.
- Не дозволуваат децата премногу да зависат од нив
Доколку и самите сте емотивно независна личност, ќе сакате и вашето дете да биде такво и да му овозможите простор каде што ќе може да ги регулира своите чувства. Можеби на почетокот ќе почувствувате потреба да учествувате во сè, да ги утешите кога е потребно и кога не треба, но со текот на времето, ако останете ментално силни, ќе ги оставите сами да закрепнат од раните.
Се разбира, тоа не значи дека ќе го запоставите вашето дете. Секогаш внимавајте на него, но научете го на навиката да се соочува со проблеми и да ги прифаќа.
