Абдоминалата болка или болките во стомак најчесто се вообичаени, чести и обично безначајни. Детето може да го боли стомак поради многу причини: голтање премногу воздух за време на плачење, запек, глад.
Но, постојат симптоми кои ги следат болките во стомак, а кои можат да укажуваат на сериозни проблеми.
- Болка на долната десна страна
Слепото црево е сместено ниско, на десната страна на стомакот. Болка во ова подрачје е знак на воспалние на слепо цревои, а детето прво ќе почувствува тапа болка околу папокот со чувство на мачнина, нагон за повраќање, зачестено мокрење, а понекогаш запек или пролив. Болката може да се влоши и поради притисок на подрачјето околу слепото цреви и кога детето кашла, се движи или длабоко зема воздух. Во ваква ситуации, детето веднаш се носи на лекар.
- Болка при мокрење
Инфекциите на уринарниот тракт се вообичаени кај децата на возраст од една до пет години. Тие предизвикуваат нелагодност во делот на стомакот и мочниот меур, како и болка и пецкање при уринирањето. Однесете го детето на лекар ако се сомневате на инфекција.
- Детето има температура и кашла
Воспалението на бели дробови може да придзвика болки во стомакот. Иако и многу други вируси може да предизвикаат болка во стомакот и кашлица во исто време, во случај на воспаление на белите дробови, кашлицата ќе биде изразено тешка и длабока. Болката во стомакот исто така може да се влоши, а детето да има потешкотии со дишењето. Во овој случај, веднаш побарајте лекарска помош.
- Детето повраќа зелено-жолта слуз или крв
Болка во стомакот и повраќање зелена или жолта слуз, никогаш не смее да се игнорира. Кога се појавува ова, при повраќање, станува збор за запушување на цревата и детето истиот момент треба да се однесе на лекар.
Од друга страна, повраќањето крв не мора секогаш да биде знак за сериозен проблем кај дете на кое му тече крв од нос или многу повраќа, па при повраќањето да се појави и малку крв. Но, ако крв при повраќањето се појавува заедно со болка во стомакот, најдобро е веднаш да го однесете на лекар.
