Потребно:
За палачинките:
- 120 гр брашно
- 1 јајце
- 1 чаша млеко
- 1 лажичка растопен путер + путер за пржење
- Сол по вкус
За филот:
- 1,5 лажици брашно
- 1,5 лажици путер
- 1 чаша млеко
- 240 гр туна на парчиња
- 120 гр печурки
- 2 лажици рендан кашкавал
- Прстофат сол
- Прстофат бибер
Подготовка: Во сад додадете ги просеаното брашно и солта. Измешајте, па направете мало вдлабнување во средината и додадете го јајцето и изматете. Потоа додадете половина шолја млеко и растопениот путер и убаво изматете. Додадете го остатокот од млекото и мешајте додека не добиете мазна текстура. Оставете го да отстои околу 15 минути. Печете една по една палачинка на путер од двете страни 30 секунди. Започнете да го правите солениот фил за палачинки со топење на путерот во големо тенџере на тивок оган. Додадете брашно, измешајте, па посолете и побиберете. Мешајте 2 минути на тивок оган, а потоа зголемете ја на средна температура и додадете го млекото. Мешајте додека сосот не се згусне, околу 5 минути. Се трга од оган, па се додава туната на парчиња, се промешува, па се додаваат печурките. Вратете на тивок оган неколку минути. Наполнете ги палачинките со изладен фил со туна и печурки и свиткајте во ролни. Солените палачинки наредете ги во огноотпорен сад, посипете со ренданиот кашкавал и печете ги на 180°C околу 20 минути или додека кашкавалот не се растопи. Добар апетит!
