Она кое е најважно е да воспоставите хармоничност или складност со биолошкиот ритам на детето. Тоа значи да, веднаш штом ги забележите првите знаци на поспаност, време е бебето да се стави во кревет. Мелатонинот, хормон на спиењето, е зголемен во бебешкиот организам, па природно е тоа да потоне со сон без голема мака.
Но, доколку, друга страна предолго го држите бебето будно, тоа ќе се премори. Не само што ќе се намали нивото на мелатонин, туку неговиот мозок ќе ослободи хормони за будење, како што се кортизол и адреналин. Поради тоа, на бебето ќе му биде тешко да заспие, а тоа може да доведе и до прерано будење. Ако бебето се смири, се стиши, стане незаинтересирано за своето опкружување и гледа во далечина, мелатонинот го достигнал пикот во неговиот организам, што е вистински момент за спиење.
Токму поради ова се смета дека почитувањето на ваквите сигнали се првиот и ефикасен начин полсено да го успиете вашето малечко.
БЕЛИ ЗВУЦИ
Спуштени ролетни или навлечени завеси и бели звуци, ја претвораат детската соба во опкружување налик на внатрешноста на матката. Така, светлоста и звуците однадвор остануваат пригушени. Половина од сонот на новороденчето е во РЕМ фаза, која се нарекува и фаза на брзо движење на очите. Ова е лесна фаза на сонот кога сонуваме. Звук од телефон или гласно смеење од друга просторија може да го разбудат бебето. Тука настапуваат белите звуци, кои го пригушуваат звукот однадвор.
ПОВИВАЊЕ
Замотувањето на бебето во ткаенина, за да се ограничи движењето на рацете и нозете, е стара техника на смирување и успивање. Во текот на првите неколку недели, образецот на сонот брзо се менува кај новороденчето. Ако на бебето не му се доподнало повивањето на почетокот, пробајте повторно по неколку дена. Повивањето може да го применувате и шестиот месец.
ТЕМПЕРАТУРА
На бебињата, како и на возрасните, им одговара свежина во просторијата во која спијат. Одржувајте ја температурата помеѓу 20 и 22 степени, за да создадете пријатна атмосфера за спиење. Нормално е прстињата на бебето да бидат помалку студени. За да се уверите дека не е премногу студено, ставете ја раката на градниот кош на бебето. Ако таму е топло, тогаш се е во ред.
СПИЕЊЕТО НЕ Е СЕКОГАШ ИДЕАЛНО
Многу бебиња помлади од шест месеци не спијат мирно во креветче, затоа не се вознемирувајте ако заспијат во вашата прегратка или во количка. Нема да му го пореметите ноќниот сон ако дозволите во текот на првите шест месеци да спие каде ќе стигне во текот на денот. Повеќето новороденчиња не се придржуваат на распоредот на спиење во првите 5-6 месеци, па и по тој период, некои бебиња потешко заспиваат од други бебиња.
