Кога ќе станете родители, сфаќате дека постојат многу контрадикторни совети. Многу е лесно да се изгубите во лудилото на “совршено родителство“ и да се оптоварувате со тврдења кои всушност немаат поткрепливи научни факти. Поголем дел од времето, родителството се темели токму на верувањето на сопствените инстикти, но може да биде збунувачко поради ваквите контрадикторни совети кои кружат со години.
Ви пренесуваме пет работи за кои не мора да се грижите, а кои стручњаците ги издвоиле на најголеми митови во кои родителите веруваат.
- МИТ 1: Ако бебето е ладно, ќе настине
Многу е лесно премногу да се грижите дали бебето ќе се разболи и настине кога ќе застуди, но не плашете се, бидејчи науката тврди дека тоа нема да се случи. Многу научни докази упатуваат дека доброто облекување и минувањето време на свеж воздух е клучно за здравјето, особено на децата. Затоа, уживајте без грижа!
- МИТ 2: На бебињата им е потребна тишина за да заспијат
Сонот е драгоцен, посебно кога сте родители за прв пат и кога хронично ќе ви недостасува спиење. Поради тоа, многу родители прекинувањето на сонот на бебето ги вознемирува, и се трудат да создадат потполна тишина околу бебето за неговиот сон да биде што подолг и поквалитетен. Но, бебињата се навикнати да спијат со бучава. Запомнете, вели др- Харви Карп, дека бебето минало девет месеци во стомакот на мајката и е научено на звуци, и не само што е навиканто, туку и ги сака и му годат.
МИТ 3: Му требате на бебето да го забавувате
Многу нови родители чувствуваат дека треба да го забавуваат своето бебе. Но, она кое му треба на бебето не е забавување, туку само вашето друштво. Родителите не треба да даваат се од себе за да го окупираат бебето, доволно е само да минуваат време со бебето и да се поврзат со него. Покрај тоа, поттикнувањето на самостојна игра, дури и од најрана возраст е важна вештина која детето може да ја научи.
- МИТ 4: Бебето треба да се капе секој ден
Родителите често се прашуваат колку често треба да го капат новороденчето. Имајте предвид дека бебињата не се потат колку и возрасните, и немаат непријатен мирис, така што ним им е потребно капење секој два или три дена. Ако сепак тоа не е дел од вашата секојдневна рутина, не заборавајте да ја хидратизирате бебешката кожа со соодветни препарати.
- МИТ 5: Не е добро премногу да се гушка и гали бебето
Еднаш засекогаш: Не постои такво нешто како премногу гушкање и галење. Напротив, гушкањето на бебето има големи предности за неговиот развој на мозокот, а едно истражување докажало дека галените бебиња растат во здрави деца, помалку се депресивни, пољубезни се и почувствителни кон другите.
