Кога ќе станете родител, сфаќате дека постои толку многу спротивставени совети. Многу е лесно да се изгубите во лудилото на „совршеното родителство“ и да заглавите со тврдења кои всушност немаат никакви научни факти за да ги поткрепат. Најчесто, родителството се заснова на доверба во сопствените инстинкти, но може да биде збунувачки поради овој вид на спротивставени совети кои кружат со години.
Затоа ви пренесуваме пет работи за кои не треба да се грижите, а кои порталот Babyology ги издвои како најчести митови во кои веруваат многу новопечени родители.
Мит 1: Ако бебето е ладно, ќе настине
Многу е лесно да се грижите премногу дали вашето бебе ќе се разболи и настине кога е студено – но не плашете се, науката вели дека тоа нема да се случи. Додека некои истражувања дури сугерираат дека краткотрајната изложеност на постудено време може да го промени имунолошкиот систем на поединецот, има многу повеќе докази за поддршка на добро облекување и поминување време на отворено. Затоа, само секогаш добро „завиткајте“ го вашето малечко и уживајте без грижи.
Мит 2: На бебињата им треба тишина за да спијат
Спиењето е скапоцено, особено кога сте првпат родител и хронично немате сон. Ова е причината зошто прекинувањето на спиењето на вашето бебе е нешто од што се плашите, и може да биде многу примамливо да се обидете да создадете целосна тишина околу вашето бебе, така што неговото спиење е што подолго и што е можно подобро. Сепак, бебињата се навикнати да спијат околу бучава. Запомнете дека бебињата поминуваат девет месеци во утробата на нивните мајки каде се навикнати на звуци, а д-р Харви Карп тврди дека бебињата не само што се навикнати на звуци, туку и ги сакаат.
Мит 3: На бебињата им требате вие да ги забавувате
Многу новопечени родители чувствуваат како да треба да го забавуваат своето бебе. Сепак, она што му треба на бебето не е забава, туку само ваше друштво. Новите родители не треба да се трудат да го окупираат своето бебе, доволно е да поминуваат време со бебето и да се поврзат со него. Дополнително, поттикнувањето независна игра, дури и од рана возраст, е важна вештина што детето може да ја научи.
Мит 4: Бебињата треба да се капат секој ден
Родителите често се прашуваат колку често треба да го капат своето новороденче. Треба да се запомни дека бебињата не се потат толку многу како возрасните и немаат непријатен мирис, па затоа им е потребно капење на секои два или три дена. Доколку тоа е дел од вашата секојдневна рутина, не заборавајте да ја хидрирате кожата на вашето бебе со соодветни препарати.
Мит 5: Не е добро премногу да го прегрнувате и галите вашето бебе
Еднаш засекогаш: Не постои такво нешто како премногу галење! Гушкањето на бебето има големи придобивки за неговиот развој на мозокот, а една студија покажала дека гушканите бебиња растат поздрави, помалку депресивни, пољубезни и сочувствителни кон другите.
