Првото дете со себе носи многу промени, наеднаш целиот живот ви се превртува наопаку. Освен тоа, многу млади родители, дополнително ги отежнуваат работите со овие пет типични грешки.
- ПРЕМНОГУ ГРИЖИ
Дали бебето јадело доволно? Дали му е топло? Дали спие доволно? Повеќето родители, особено оние со прво дете, се грижат за благосостојбата на своето малечко 24 часа на ден – дури и ако нема причина за тоа. Кога ќе пристигне брат или сестра, повеќето веќе знаат дека овие грижи се обично неосновани и дека нема причина за паника секогаш кога детето ќе заплаче.
- ПРЕМНОГУ СПОРЕДУВАЊА
„Моето дете почна да седи веќе од 5 месеци. Твоето веќе доста доцни со тоа“ – родителите обично повеќе ги земаат при срце ваквите коментари за своето прво дете.
Во нив се вовлекува сомнеж и се прашуваат што не е во ред со моето бебе или зошто другите деца на иста возраст се толку напреднати. Веќе со своето второ дете, повеќето родители сфаќаат дека малечките се развиваат со свое, индивидуално темпо и дека нивното споредување е бесмислено и непотребно.
- ПРЕГОЛЕМ СОМНЕЖ ВО СЕБЕ
Доењето не функционира веднаш, бебето не сака во носилка, а успивањето е катастрофа… Искусните родители знаат дека секој почеток е тежок. Меѓутоа, со своето прво дете, родителите многу брзо се прашуваат: ‚Што правиме погрешно?’ Баш ништо, тоа што сите други бебиња околу вас сакаат да лежат во количка не мора да значи дека истото важи и за вашето дете. Одвојте време да се запознаете и да им верувате на вашите инстинкти. А ако навистина не знаете што да правите понатаму, не плашете се да побарате стручна помош.
- ПРЕМНОГУ ИДЕАЛИЗИРАТЕ
Повеќето идни родители претпоставуваат дека доаѓањето на бебето фундаментално ќе го промени нивниот живот. Но, дури кога ќе се роди детето, сфаќаат дека е многу посилно отколку што замислувале.
Дури и ако сте решиле да излегувате со пријателите еднаш неделно, а заедничкото спиење во семејниот кревет не доаѓало во предвид во вашата имагинација, во реалноста тоа многу брзо може да се покаже како пуста желба. Затоа намалете ги вашите очекувања и бидете отворени за нови работи и нов живот со вашето дете.
- ПРЕМНОГУ ОГРАНИЧУВАЊА
„Кога бебето спие, никој не смее да пушта вода во тоалетот и сите мора да бидеме на маса за оброк“ – звучи ли ова познато? Многу родители, кога ќе го добијат своето прво дете, се опседнати со рутината, што им става многу ограничувања. Но, структурата и безбедноста нема да бидат нарушени ако повремено отстапувате од правилата.
Подоцна легнување нема да има директно негативно влијание на сонот, а доколку бебето изеде мала количина каша тој ден, нема да се разболи од глад. Со второто дете повеќе не се почитуваат правилата толку строго и додека постариот брат или сестра му го прекинуваат сонот на бебето со гласно викање, родителите сфаќаат дека не е се така трагично.
