Речиси и да нема родителска дружба каде што некој не спомнува како денешните деца се на игрици и мобилни телефони, за разлика од детството кога сите си играле надвор. Родителите од ден на ден ги осудуваат денешните трендови кои самите ги дозволиле на своите деца.
Децата треба да се поттикнуваат на активности, но и да се едуцираат за начините како безбедно да уживаат
Од друга страна, истите тие родители честопати се плашат за безбедноста на своите деца кога одат да си играат надвор. Внимавај на ова, внимавај на она… бескрајно набројување на опасности. Секако, како и во сè, и тука е неопходно да се најде златна средина, да се спречи постојаното изложување на екраните и да се поттикнат децата да бидат активни, но и да се едуцираат за начините како безбедно да уживаат во физичката активност.
Лекарите од Брза или итна помош, каде децата завршуваат со разни повреди, истакнуваат шест најчести опасности – игри на кои децата се повредуваат. Тие истакнуваат дека родителите треба да го контролираат она што можат да го контролираат.
„Можете да ги заклучите штетните хемикалии во вашата куќа. Можете да барате носење на кацига. Без разлика дали детето игра во песок, на фудбалски терен или вози велосипед низ соседството, детето мора да биде подготвено за живот и во вистинската средина, со соодветна опрема и надзор. Постојат многу малку рутински детски активности што треба да ги избегнувате“, истакнуваат лекарите, набројувајќи ги најопасните.
Шипки и јажиња за бесење
Овие шипки ги сакаат децата од различна возраст, но без разлика на возраста, тие се на прво место по зачестени падови и скршеници. Лулајќи се децата добиваат голема брзина, а при паѓање најчесто се дочекуваат на рацете кои најчесто се кршат во пределот на лактот. Во оваа група до одреден степен спаѓаат и лулашките и вртелешките.
Топли површини
Научете ги вашите деца да не го допираат шпоретот или металните тави во кујната, но и да внимаваат на топлите, особено металните површини и игралиштата за време на летните горештини. Дури и гумата може да се загрее доволно за да предизвика изгореници за време на топло време. Затоа треба да се избегнуваат метални лизгалки и гумени душеци, но внимавајте на врелиот песок, бетон и слично.
Електрични тротинети
Електричните тротинети во последно време се насекаде и колку се побрзи децата, толку е поголема веројатноста да се повредат при судар или пад. „Имаме зголемување на повредите поврзани со моторизирани и немоторизирани тротинети, што може да се минимизира доколку се носи соодветна заштитна опрема, вклучително и шлемови и штитници“, истакнуваат лекарите. Без оглед на видот на транспорт што го користи вашето дете, носењето шлем може да помогне да се спречат повреди.
Капење (без надзор)
Една од најопасните летни активности за децата е водата, односно пливањето. Давењето е меѓу водечките причини за смрт кај децата на возраст од 1 до 4 години. „Децата никогаш, никогаш не треба да се оставаат сами во близина на вода, дури и ако водата е длабока само неколку сантиметри, дури и на само неколку минути“, велат лекарите.
Трамболини
Трамболините се познати по тоа што предизвикуваат повреди. „Скокањето високо во воздух, со многу големи брзини и често под незгодни агли лесно доведува до повреди, односно скршеници на ногата и лактот“, објаснуваат лекарите. Ако понекогаш ги носите децата на трамболина, не купувајте барем за дома, бидејќи не е исто ако децата ја користат понекогаш или секој ден.
