Отсекогаш се вели дека бременоста е поинаква состојба, но и блажена состојба. Ова е прекрасен период во животот на жената, но носи промени, и хормонски и физички на телото. Сигурно сте подготвени за растење на стомакот, но можеби некои од овие непријатни промени малку ќе ве изненадат. Но, не грижете се, освен овие промени, бременоста носи и многу позитивни физички промени.
1. Хиперпигментација (потемнување на кожата)
Ова е најчеста промена на кожата и повторно хормоните се одговорни за тоа. Пегите, бенките, ареолите и брадавиците сега уште повеќе ќе потемнат. Ако сте со темна кожа, поголема е веројатноста на лицето да ви се појави и некоја дамка. И тие се повлекуваат по бременоста.
2. Сина боја на нозете и стапалата
Нозете и стапалата може да попримат сина боја и да добијат пеги. Ова обично се случува кога ви е ладно,а ќе се повлече по породувањето. Облечете се добро кога е студено или ветровито.
3. Линеа негра
Така се нарекува линијата која се протега по должина на стомакот, а во третиот триместар потемнува поради естрогенот, кој тогаш засилено се лачи. Линијата ќе избледи неколку месеци по породувањето.
4. Црвени дланки кои чешаат
Може да забележите дека вашите дланки се поцрвени од вообичаено и дека ве чешаат. Слично може да се случи и со табаните поради влијанието на хормоните.
5. Зголемување на стапалата
За време на бременоста, постои поголемо задржување на течности во телото, што ги прави стапалата посклони кон отекување. Маснотиите може да се акумулираат и ако не внимавате на исхраната. Освен тоа, напоредно со другите зглобови, се шират и зглобовите на стапалата . Поради сето ова, некои жени по бременоста може да имаат и до еден број поголеми стапала отколку пред бременоста.
