Дебора Дрезон Керол, авторка на популарни книги за воспитување, а воедно и самата баба, дошла до заклучок дека бабите и дедовците прават некои работи подобро од родителите. „Не сакам да кажам дека се и подобри од родителите, туку само дека некои аспекти на воспитувањето на децата можеби ги прават малку подобро од мама и тато“, објаснува таа и открива за кои работи станува збор.
1. Играме
Зошто бабите и дедовците се подобри во играта? Родителите секогаш работат. Тие работат и кога се на работа и кога ќе се вратат дома и навистина им е тешко да најдат време за игра. Но, кога бабите и дедовците се со своите внуци, немаат други обврски и играта е единствената работа на која размислуваат.
2. Се грижиме
Секако дека и бабите и дедовците се грижат, но тоа го прават на поинаков начин од родителите. Зошто? Ова се должи на мудроста што доаѓа со возраста. Ние го знаеме она што родителите сè уште не го знаат. Не, вашето дете веројатно нема да оди на Харвард и да, вашето дете ќе го преживее задевањето на злобните деца на училиште. Вашето дете ќе биде силно и покрај фактот што не е најдобро во некој спорт и ќе се опорави без разлика колку лошо звучи таа кашлица. Ние едноставно ги знаеме овие работи.
3. Време за спиење
Родителите се уморни, имале напорен ден, едвај чекаат детето да заспие. Затоа најдоброто е куса приказна готова во неколку реченици и крај, сите спијат. Но, бабите и дедовците знаат дека нема да оди така. Нежно ќе го прашаат детето: „Дали сакаш да ја слушнеш приказната за возот?“ а кога ќе му ја раскажеме, ќе употребиме еден трик; ќе го оставиме детето во креветчето самото да заспие. Многу родители чекаат во собата додека детето не заспие, што може да потрае. Но, бабите и дедовците знаат дека детето ќе заспие порано или подоцна и дека е можно да го научите само да се успива. Колку побрзо ја совлада оваа вештина, толку подобро за сите.
4. Го укоруваме детето
Знам што ќе помислите! Нема баба или дедо на светот кои ќе го кренат гласот на нивната мала љубов. Погрешно! Ние го правиме тоа, исто како и секој одговорен возрасен. Не дозволуваме детето да го допира шпоретот или да трча по улица или да фрла ѓубре низ куќата. Но, кога ќе го укориме детето, свесни сме дека неговиот „прекршок“ не значи дека нужно ќе стане криминалец и умееме да ја одредиме казната што одговара на „злосторството“.
5. Не гугламе
И ова го правиме ова подобро од родителите. Додека мама и тато бараат одговори на прашања од типот: „Како да го научите детето да оди во тоалет?“, „Што да направите ако детето е пребирливо?“ или „Мојот син е многу тврдоглав“, често добиваат спротивставени одговори. Едноставно, бабите и дедовците не го користат Гугл за такви работи бидејќи самите ги знаат одговорите. А доколку наидат на контрадикторни совети од Интернет, едноставно се смеат и продолжуваат понатаму.
