Имате ли потешкотии со усповање на своето дете и будење во текот на ноќта? Прочитајте некои од најчестите погрешни чекори во воспоставување на квалитетна рутина на спиење и дознајте како да ги избегнете.
- Прескокнување на рутината на спиење
На многумина им е потребно време да се наместат, да фатат положба дури да заспијат, а во тоа не се разликуваат ниту бебињата. Рутината на спиење не само што му помага на бебето да се опушти пред да се смести во своето креветче, туку може да стане и прекрасен начин на зближување со бебето.
“Рутината на спиење е едноставна стратегија кои навистина прави разлика во тоа како брзо бебето ќе заспие и колку во тоа ќе му биде потребна вашата помош. Иако можеби се чини дека е долготраен и строг процес, долгорочно штеди енергија и време, и на вас и на бебето“, вели Меган Фејр.
Според неа, еден час пред да сакате бебето за заспие (препорачливо време за бебе е околу 19 часот), треба да се започне со рутината. Топлата купка може да помогне бебето да се опушти, и потоа да му се прочита некоја приказна, или да се пушти смирувачка музика или и двете работи да се применат. После тоа нахранете го бебето, ставете го во креветче и оставете го така поспано. По кусо време, самото ќе си заспие.
- Игнорирање на знаците кои покажуваат дека е време за спиење
“Бебињата и децата испраќаат сигнали дека се уморни и дека треба да спијат. Некои од тие знаци вклучуваат триење на очите, зевање, забавена активност, нервоза, губење на интерес за луѓе и играње. Ако ги пропуштите тие знаци кои се јавуваат во природното време за успивање на детето, неговото тело нема да го испушти смирувачкиот мелатонин. Наместо тоа, неговите надбубрежни жлезди ќе испратат хормони поврзани со стресот кои ќе го напаравт бебето нервозно“, објаснува Ким Вест, експерт за сон кај децата.
- Едноставни навики станале лоша рутина
Сосема е разбирливо, кога е три часот наутро, а вие сте целосно исцрпени, да направите се што е во ваша моќ бебето повторно да заспие. Тоа обично вклучува лулање, гушкање, одење, пеење, масажа итн. Според Вест, кога бебето е старо 3 или 4 месеци, овие едноставни навики стануваат дел од лоша рутина.
“Таквите навики стануваа проблем кога се тесно поврзани во детската глава со спиењето, што не може да заспие без нив. Клучот е детето да се стави во кревет поспано, но будно, така што ќе научи самостојно да се смири и да се врати да спие секој пат кога ќе се разбуди“, потеницра Вест.
- Прерано одвикнување од креветче и навикнување на кревет
“Ова е класична грешка што ја прават родителите. Не го преместувајте детето во голем кревет додека не може само да се качи во креветчето“, вели Меган Фејр.
Кога детето може само да излезе од креветче, тогаш претставува опасност за само себе и мора да се пресели во поголем кевет. Но, тоа обично не се случува пред детето да наполни најмалку две години.
- Недоследност околу распоредот на спиење
Доследноста е клучна за децата, особено кога се работи за спиењето.
“Потребно е редовно време за дремење и разумно време за спиење за да се регулира дневниот и ноќен циклус на хормони – а на срцето и умот на детето им е потребна предвидливост за да се чувствуваат сигурно“, потеницраат експертите.
Распоредот на спиење е многу важен за поставување на нашите внтарешни часовници, а долседниот распоред на спиење ќе му помогне на детето стане поспано и за заспие во исто време секој ден. Ако распоредот постојано се менува, телото нема да знае кога треба да заспие. Борбите околу легнувањето во кревет често се случуваат поради недоследност на распоредот, оти родителите прерано или предоцна се обидуваат да ги стават своите деца на спиење.
- Пуштање на детето да остане будно доцна, со надеж дека така ќе се успие
Звучи како добра идеја, но ова не функционира кај децата.
“Нивниот внатрешен часовник ги буди наутро секогаш во приближно исто време, без оглед кога ќе си легнат вечерта. Родителите кои им дозволуваат на децата да останат будни подолго, всушност секогаш добиваат исцрпено, нревозно и уморно дете следниот ден“, вели Меган Фејр.
Наместо тоа, задржете одредено време за спиење како би биле сигурни дека детето добива 10 до 11 часа сон секоја ноќ. Ако детето наутро се разбуди прерано (пред 6 часот), тоа значи дека си легнало предоцна вечерта.
