„Верувај ми, знам што е добро за тебе“ е една од најчестите пораки кои сакаме да му ја пренесеме на своето дете, но многу често тоа не го правиме со мирен тон и едноставни зборови, и не успеваме да го смириме детето. Тоа многу лесно може да не разбере на погрешен начин. Најефикасен начин да разговарате со детето е да користите едноставни зборови и реченици со кои ги прифаќате чувствата на детето, а воедно ги следите и сопствените правила, советуваат стручњаците.
Постојат реченици кои секој родител би требало да ги повторува кога тоа го бара ситуацијата.
- МОРАМ ДА РАЗМИСЛАМ ЗА ТОА
Мајките често имаат рефлекс да одговорат истиот момент на нешто. Често се притискаат себе си да мораат да размислат во моментот, и да му дадат инстант одговор на своето дете. Оваа брзина во одговарањето често може да доведе до тоа да зажалите поради сопствените зборови на нервоза или став.
Реченицата “Морам да размислам за тоа“, ви дава авторитет, а воедно и купувате време, но и ги учите децата дека е важно да се размисли за работите пред да се изреагира. На овој начин ќе создадете и навика кај детето, па и само исто ќе им одговара на другарчињата и со тоа ќе спречи непотребни расправии или некое спонтано однесување за кое ќе се покае.
- КАКО СЕ ЧУВСТВУВАШ ПОРАДИ ТОА
Кога децата ќе направат нешто добро и вредно, навистина е добро да ги прашате како се чувствуваат по тој повод. Со тоа ќе го подсетите детето да размисли за тоа што го направило, да биде задоволно со постапката и своите емоции, а не само со крајниот резултат.
Оваа реченица ќе ви послужи и во не така убави ситуации. И тогаш прашајте го како се чувствува за нешто кое не го направило, или неодговорно се однесувало, и немојте веднаш да реагирате луто и изнервирано.
- АЈДЕ ДА ВИДИМЕ ДАЛИ МОЖЕ ДА НАЈДЕМЕ НЕШТО ДОБРО И ВО ОВА
Врнежлив ден, некој ги растурил коцките или откажано е некое дружење со пријателите. Сето ова е тажно и непријатно за детето. Помогнете му да ракува со своите разочарувања, така што нема да бидат избрзани. Ако плаче бидејќи е тажно, оставете го да се исплаче. Кога ќе се исплаче, седнете покрај него и обидете се заедбо да пронајдете нешто добро во се. Тоа ќе биде подготвено на одбрана во истиот момент, но издржете – поттикнете го да ја пронајде позитивната страна. Можеби не сте отишле заедно со негвоите другари во парк, но затоа имате време да ги направите неговите омилени палачинки.
- ДИШИ ДЛАБОКО
Сите мораме во некои моменти да забавиме. На овој начин ја намалуваме тензијата која многу деца ја чувствуваат при трчањето од една активност на друга. Затоа е важно да ги потсетите да се смират и да дишат длабоко. Децата го набљудуваат напето однесување, па затоа ако и вие не умеете да застанете и да се смирите, ќе го научите детето и тоа да го прави истото кога ќе се најде во стресна ситуација.
- ОДИМЕ ОД ПОЧЕТОК
Кога на детето нема да му се допадне првото залче брокула, кога ќе одбие да ја подели играчката со другарчето или бара веднаш да гооднесете во парк, оваа реченица е одличен начин нежно да го потсетите како треба да се однесува. Множината има дополнителна моќ да го потсети детето дека нема одбивање, оти кога заедно одлучувате, не може да каже не.
- ОДЛИЧНА ИДЕЈА
Поддршката на детето кога се во прашање мали или големи идеи, ќе му помогне поефикасно да ги решава своите проблеми.
