Родителите знаат да почувствуваат притисок од околината што поскоро да почнат да го одвикнуваат своето дете од пелени. Секогаш постои мајка која успешно го научила своето едногодишно дете да користи нокшир за само една недела, или сега е идеално време од годината детето да ја “фрли“ пелената.
Родителите често се непотребно под стрес за време на процесот на одвикнување на детето од пелени
Што вие мислите и што чувствува вашето дете е помалку важно затоа што „време е“, а вие чувствувате дека ако го пропуштите последниот воз, ќе мора да му спакувате пелени на вашето дете наместо ужина за на училиште.
И вака произлегуваат некои од основните грешки при одвикнување од пелени и префрлување на нокшир. Еве каде родителите најчесто грешат:
Стануваат опседнати со својата задача
Многу родители сакаат што поскоро да се ослободат од пелените поради заштеда, практичност, за нивното дете да биде што е можно „понапредно“ или затоа што децата на пријателката веќе одамна не користат пелени. Почекајте овој процес да дојде природно, не се оптоварувајте бидејќи ништо не е оди на сила, а вие и вашето дете кое можеби воопшто не е подготвено, само ќе станете фрустрирани.
Се чувствуваат како неуспешни ако сите деца околу нив веќе седат на нокшир
За жал, сите се споредуваме со другите, без разлика колку сакаме да го избегнеме тоа, или другите ни ги буткаат под нос нивните успеси, без разлика колку и да се трудат да не го прават тоа. Не е лесно кога сите веќе „прават нешто“, а вие не. Сепак, треба да разберете дека секое дете има своја временска рамка и обидете се да не се возбудувате што е единственото од неговите врсници кое се уште не ја отфрлило пелената.
Мислат дека тоа ќе се случи преку ноќ
Некои тврдат дека детето се ослободило од пелените преку ноќ, некој има метод во пет чекори, некој можеби се мачел да се ослободи од пелените половина година. Дајте си време, бидејќи должината на овој процес може да ве изненади.
Повремените „несреќи“ кај децата ги доживуваат како свој и неуспех на детето
Детето може да направи еден чекор напред кон одвикнување, а потоа два чекори назад. Ова често може да ги исфрли родителите од колосек, а тие можат да се обвинуваат и себеси и детето за овој „неуспех“. Но, не гледајте така – несреќи се случуваат на сите, не само на вас.
Преминот на нокшир го доживуваат како огромна работа
Но, тоа навистина не е толку голем животен настан. Порано или подоцна, сите деца ги вадат пелените и вршат нужда во нокшир или во тоалет. Некои родители на ова му придаваат големо значење, иако тешко дека ќе видите здраво шестгодишно дете да носи пелени – значи вашето дете порано или подоцна ќе ги “фрли“.
Сметаат дека секое дете „умира од желба“ да се ослободи од пелените
На некои деца пелените им се поудобни и попрактични од долната облека, бидејќи не мора да ги соблекуваат или да ја прекинуваат играта за да се олеснат, туку претпочитаат да „прават“ сè на едно место. Ова често се случува со многу разиграни и живи деца кои „немаат“ доволно време или концентрација да се грижат дали седнат на нокшир, бидејќи имаат „поважна работа“. Прифатете го ова, иако можеби детето на пријателката чувствува „неподносливата леснотија на постоењето“ откако е во гаќички.
Се срамат што нивното дете се уште носи пелени
Родителите често се срамат кога разговараат со помалку познати луѓе, на пример родители на други деца во градинка и во разговорот излегува дека сите веќе се ослободиле од пелените освен нивното дете. Во познатото опкружување, сите веќе го знаат ова, но пред новите луѓе секогаш треба да се извинат и да објаснат зошто е тоа така. Но, родителите всушност знаат да обрнат повеќе внимание на тоа и да се чувствуваат лошо, додека луѓето со кои разговараат воопшто не мислат ништо негативно.
