Со охрабрување и поттикнување на детската креативност, не само што ќе му помогнете на детето да се чувствува подобро во своја кожа, туку и ќе му ги зголемиме неговите шанси за успех. Истражувањата покажуваат дека децата со висока самосвест (самосвеста и самодовербата не се иста работа, туку две различни особини кои ја сочинуваат самопочитта) најчесто имаат и такви родители. Многу е веројатно дека имаат добра и цврста врска и дека нивните родители се однесуваат кон нив безбедно, праведно и доследно. Имајќи предвид дека високата самосвест ги зголемува шансите за успех, може да се заклучи дека успехот создава успех, а неуспехот создава неуспех.
КАКО ДА ЈА ИЗГРАДИТЕ САМОСВЕСТА НА ДЕТЕТО И ДА ЈА ИЗГРАДИТЕ НЕГОВАТА САМОПОЧИТ?
1. Сакајте го поради тоа што е, а не поради она што може да го направи.
2. Никогаш не го карајте детето, туку неговото однесување. Бидејќи вашето дете е секогаш добро, вие го сакате безусловно, а тоа само во одредена ситуација се однесувало лошо. Значи не е лошо само по себе.
3. За цел на напредокт на детето, внимателно избирајте активности и трпеливо преминете од една на друга.
4. Секогаш покажувајте дека сте горди што дало се од себе, без разлика дали успеало во некоја активност или не.
5. Поставете му предизвици за да искуси зајакнување на самодовербата, бидејќи тоа доаѓа од успешно совладување на потешкотиите.
6. Мудро избирајте предизвици за вашето дете, односно изберете ги оние кои имаат најмали шанси за неуспех. Имено, доколку вашето дете е постојано неуспешно, неговата самосвест ќе се сруши.
7. Оставете го вашето дете прво да проба некоја активност без да биде оптоварено со императивот за успех. Затоа, немојте однапред да му ја спомнувате важноста на успехот. Ако успее, задолжително пофалете го.
Бидете конкретни и конструктивни кога давате пофалби. Имено, само со конструктивна пофалба покажувате дека сте забележале одредено однесување или особина на детето, дека сакате да го поддржите и со тоа да го мотивирате детето на слично однесување во иднина (на пример: „совршено си го средил бирото или Куќата на вашиот цртеж е прекрасна“…). За разлика од неконструктивните и општите пофалби кои не го поддржуваат ниту однесувањето, ниту особината (на пример: „Ти си добро момче на мама“) или кога го оптоварувате детето со вашите високи очекувања кои можеби нема да може да ги исполни. (на пример: „Знам дека ќе бидеш одличен во математика“).
Зошто е ова уште важно? Бидејќи истражувањата покажале дека децата кои се навикнати на општи пофалби постигнуваат полоши резултати на училиште. Освен тоа, децата кои се пофалени на овој начин стануваат несреќни, бидејќи се чувствуваат како да не можат да ги оправдаат лажните очекувања на нивната околина. Затоа, секогаш бидете конкретни кога давате пофалби!
