Се чувствувате ли нервозни пред породувањето што ви претстои? Не сте сами. Сосема е нормално да чувствувате страв од ситуација која во целост ќе ви го промени животот.
Страв дека нема навреме да стигнете во болница
Иако веднаш ќе се сетите на драматичните филмски итни породувања во автомобил, тие се исклучок и шансите тоа да ви се случи се навистина занемарливи. Просечното раѓање на прворотка трае околу 20 часа, а околу осум кај искусните родилки. Лекарот точно ќе ви даде точни инструкции и ќе ви даде информации кога да одите во болница.
Страв од голема нужда во текот на породувањето
Веднаш да ви кажеме дека за тоа воопшто не треба да се грижите. Доколку и се случи, медицинските сестри брзо се ќе исчистат, пред воопшто и да сфатите што се случило. Тоа е дел од нивната работа и нокој нема попреку да ве гледа.
Страв од епидуралната игла
Иако некои жени велат дека почувствувале кратка болка додека примале епидурална анестезија, други велат дека не почувствувале ништо. Подрачјето на убодот се премачкува со локален анестетик, а нелагодноста што може да ја почувствувате од иглата е многу минимална во споредба со породилните болки.
Страв од епизиотомија
Епизиотомија е постапка во која се сече ткивото помеѓу вагината и анусот за да се овозможи повеќе место за поминување на бебето. Иако тоа била вообичаена пракса, денес повеќето гинеколози дозволуваат вагиналното ткиво “природно да се скине“. Американскиот колеџ за гинекологија повеќе не препорачува рутинска епизиотомија, па таа постапка ретко се користи. Ако сте загрижени, однапред разговарајте со лекарот и кажете му дека не ја сакате оваа постапка.
Страв од вагинално кинење
Обидете се да не се грижите. Половина од сите родилки ќе имаат барем едно мало вагинално кинење или руптура по породувањето. Најчестиот тип е кинење од прв степен кое ја вклучува само слузницата на вагината и можеби нема да биде потребно шиење.
Страв од болки
Без лажење, породувањето не е безболно. Најдобриот начин да ги спречите вашите породилни стравови е што подобро да се едуцирате за процесот на раѓање. Читајте за тоа, отидете на курс за трудници или поразговарајте со жени кои веќе родиле. Вашиот гинеколог е секогаш тука за вас.
Страв од потреба за итен царски рез
Секоја операција е застрашувачка, па разбирливо е да сте нервозни поради таа можност. Затоа е добро да ја ставите во перспектива, иако бројот на царски резови се повеќе се намалува во последните неколку години. Без оглед на тоа какво породување на крајот ќе доживеете, секогаш може да имате покрај вас поддршка која ќе ви ги ублажи стравовите.
Без разлика што имате на ум, овие совети можат да ви помогнат да се чувствувате побезбедно и поподготвено. Разговарајте за вашите грижи. Споделете ги со партнерот или доверлив член на семејството или пријателка, а потоа со вашиот лекар. Ако мислите дека разговор со професионалец за ментално здравје би помогнал, замолете го вашиот лекар за упат. Ова е особено важно ако мислите дека имате ретка состојба наречена токофобија, сериозен страв од бременост и породување.
