„Средствата за спречување кашлица всушност можат да бидат штетни. Тие ги прават некои деца хиперактивни, понекогаш се жалат на вртоглавица и неможност да заспијат“, вели Кетрин Том-Ревзон од детската болница Монтефиоре во Њујорк. За да го избегнете ова, пробајте некои од овие природни лекови за кашлица.
МЕД
Истражувањата покажале дека медот е подобар од многу средства за ублажување на кашлицата. „Медот е безбеден за деца од над една година, а на децата им се допаѓа бидејќи има добар вкус“, вели Иан Пол, член на Комитетот за клиничка фармакологија на Американската академија за педијатрија.
Дајте им пола лажичка на деца од 1 до 5 години, а една кафена лажичка на деца од 6 до 11 години. Сепак, не давајте на деца под 1 година бидејќи може да добијат ботулизам од бактериите во него.
ПИЛЕШКА СУПА
Пилешката супа е познат чекор во секој третман за кашлица или настинка. Истражувањата покажуваат дека има антивоспалителни својства, а топлата температура и пареата помагаат да се олабави слузта во ноздрите.
ТОПЛИ И СТУДЕНИ НАПИВКИ
Топлите или многу ладни пијалаци се одлични лекови за кашлица кај малите деца, бидејќи ја разредуваат слузта и го олеснуваат кашлањето. Освен тоа, течностите го смируваат иритираното грло и го одржуваат детето хидрирано. Нека пие студена вода, ладен или топол сок или чај без кофеин измешан со мед.
ХРАНА КОЈА ЈА УБЛАЖУВА БОЛКЛАТА
Децата на возраст од 4 и повеќе години можат да консумираат тврди бонбони без шеќер или дури и замрзнати бобинки против болки во грлото или кашлица.
СОЛЕНА ВОДА
Еден од наједноставните лекови за кашлица кај малите деца вклучува сол и вода. Едноставно измешајте половина лажичка сол во 200 мл вода, а потоа дајте му на детето да изгаргара со растворот во устата. Ова треба да ја олесни иритацијата на грлото што ја предизвикува кашлицата. Исто така, ова треба да се дава само на постарите деца, на кои може да им се верува дека ќе го исплукаат растворот без да голтнат.
ЃУМБИР
Ѓумбирот може да ја ублажи сувата или астматична кашлица, бидејќи има антиинфламаторни својства. Може да ја ублажи и мачнината и болката. Една студија сугерира дека некои антиинфламаторни соединенија во ѓумбирот може да ги опуштат мембраните во дишните патишта, што би можело да го намали кашлањето, наведува Medical News Today.
Подгответе смирувачки чај од ѓумбир со додавање на 20-40 грама свежи парчиња ѓумбир во чаша топла вода. Оставете го неколку минути. Додадете мед или сок од лимон за да го подобрите вкусот и дополнително да ја ублажите кашлицата.
ДОПОЛНИТЕЛНА ПЕРНИЦА ПРЕД СПИЕЊЕ
Пред да заспие детето, додајте му уште една перница под главата, за да спие малку погоре, што ќе му ги отвори дишните патишта за да може слузта да истече.
КОГА ДА ПОСЕТИТЕ ЛЕКАР:
Доколки детето има и некои од следниве симптоми заедно со кашлицата, задолжително посетете лекар:
- Искашлување зелена или жолта слуз
- Тресење
- Дехидрација
- Покачена телесна температура
