Често може да чуеме како возрасните се присетуваат на своето детство, опишуваат што нивните родители правеле и какви биле, понекогаш тие сеќавања се убави, а понекогаш може да се почувствува горчина и жалење. Но, сите имаме моменти и случувања кои засекогаш ќе ги помниме нез оглед колку години сме имале, а некои и го одредиле нашето понатамошно однесување во животот. Родителската реакција на смртта на баба или дедо, преселба во друг град, начинот на кој родителите се поздравувале кога ќе дошле дома од работа или приказната на родителите за роднините… сето тоа децата го помнат.
Со оглед дека некои работи и емоции децата зсекогаш ги носат со себе, би било добро да размислите како ги воспитувате децата и што им оставате во наследство, велат експертите:
- Искуства што сте ги доживеале заедно
Можеби нема да се сеќаваат на секоја играчка што сте им ја купиле за нивниот роденден или колку пати сте им купиле сладолед, но без оглед на причината, некои работи со човекот остануваат цел живот. Искуствата,повеќе отколку работите го спојуваат семејството, така што децата ќе помнат кога со вас биле на сладолед, но ќе се сеќаваат на вашето друштво, а не на сладоледот.
- Времето кога се сте оставиле поради нив
Толку често посебни моменти ги гледаме низ нашата телефонска камера и ги пропуштаме малите работи кои децата се обидуваат да ни ги покажат, оти не сме доволно присутни. Кога во целост сте му посветени на детето и го ставите настрана лаптопот или мобилниот телефон, децата во тие моменти чувствуваат дека сте целосно нивни и дека се сакани. Тие знаат дека ги сакате постојано, но во тие посебни моменти кога сте заедно, тие ќе забележат дека се грижите, особено кога ќе престанете да ја проверете електронската пошта за нив.
- Позитивни зборови упатени ним
Во свет каде зборот љубов почна да се користи за се, да се каже “те сакам“ не е нужно почеток и крај на се. Постојат толку други работи кои можете да ги кажете, а кои позитивно ќе влијаат на детето.“Се гордеам со тебе“, “Ти го поравиш ова семејство подобро“ и “Добар пријател си“ – сите тие реченици ќе влијаат на детската самодоверба и идентитет од рана возраст, така што во комуникацијата со нив бидете позитивни повеќе отколку критични, а тие на тоа ќе се сеќаваат.
- Како сте се носеле со тешки ситуации
Децата ве доживуваат како водич, оти се наоѓаат во свет во кој не се сигурни, свет кој ги прави чувствителни. Кога ќе дојдат тешки времиња – како смрт, невработеност или болест во семејството – тиеќе го помнат начинот на кој сте разговарале со нив, како сте направиле да се чувствуваат безбедно и заштитено, и како вие сте реагирале.
- Како вашиот партнер и вие се однесувавте кон други луѓе, но и еден кон друг
Децата учат од вас секој ден, и кога разговарате за некого зад грб или кон некого се однесувате лошо, тие ќе земат сè од вас затоа што ќе мислат дека е во ред затоа што мама и тато се однесуваат така. Кога сте дома со децата, а вие и вашиот партнер зборувате за проблеми, вашите деца ве слушаат и учат иаковам можеби ви се чини дека само си играат некаде.
