Децата не се нешта, туку мали луѓе. Тие се чувствителни, невини, исплашени и љубопитни и многу работи во животот ќе им останат нови уште долго време. Кога сè е ново, стравот на детето може да биде голем, а самодовербата ниска. Важно е да се има на ум дека децата не се тука за да ги исполнат нашите емоционални потреби, ниту се роботи кои можеме да ги испрограмираме да се однесуваат убаво.
Потребни им се основни работи за да се сакаат себеси, да се грижат за другите, да го ценат неуспехот и да научат да го претвораат во успех со текот на времето. Ним им треба позитивно охрабрување. Тој прв и најважен стимул за нивната самодоверба е директно под родителска грижа.
“Те сакам”
Кога ќе им кажете на вашите деца дека ги сакате и кога тоа им го кажувате често, тие учат дека се вредни за некого. Љубовта им дава храброст, простор да растат, да прават грешки, да оздравуваат и им дава чувство на радост. Кога ќе им кажете дека ги сакате, им го одземате стравот и обезбедувате сигурност која добро ќе им дојде во животот и ги учите да се сакаат себеси.
„Се гордеам со тебе“
За да развијат здраво и позитивно чувство за себе, на децата им треба многу признанина и потврди. Тие едноставно копнеат за вашата пофалба, одобрување, љубов и прифаќање. Можеби не се согласувате со секој нивен начин на решавање на работите, но мора да ги насочите на нивното најважно патување, а тоа е независноста. И затоа, бидете горди на нив. Иако многу родители имаат навика да им кажуваат на своите деца дека се горди на нив, тоа не се покажува само со зборови, туку и со дела, зачестеност и креативност.
„Направив грешка, извини“
Кога ќе им признаете на децата дека сте згрешиле, им покажувате дека и вие сте човек и дека сите можеме да грешиме. Прифаќањето на сопствените несовршености создава искреност, а кога го правите тоа пред вашите деца, им давате храброст да ги прифатат и сопствените несовршености. Исто така, преземајќи ја вината за вашите грешки, создавате толерантна и отворена средина која подоцна ќе им овозможи на вашите деца да градат поздрави меѓучовечки односи.
„Ти простувам“
Сите грешиме, без разлика на возраста, и не секогаш ги исполнуваме туѓите очекувања. Родителите за да постигнат квалитетен однос со своето дете треба да најдат баланс во воспитувањето – како да му укажат на грешките на детето, без постојано да му ги тријат од нос. Во овој процес, не заборавајте дека и децата, иако се мали, имаат чувства кои можат да бидат повредени. Научете да им простувате на своите деца, но не само да го кажувате тоа, туку навистина да им простите за нешто што го направиле погрешно. На овој начин ќе им кажете дека ги сакате и покрај нивните несовршености.
„Слушам“
Треба да ги слушате вашите деца за да им испратите порака дека она што тие имаат да го кажат е важно. Плус, ќе научите многу за вашите деца одвнатре со слушање. Исто така, треба активно да учествувате во овој разговор за да им дадете до знаење на децата дека разбирате што ви зборуваат, што ќе ги поттикне да го продолжат разговорот и да се отворат. Негативна врска се создава кога децата чувствуваат дека се потценети бидејќи чувството дека ги слушате е одлична потврда за нивната вредност.
„Тоа е твоја одговорност“
Одговорноста е дел од растењето. Кога вашето дете ќе донесе одлука, мудра или не, она што доаѓа со таа одлука е нешто со кое детето треба да научи да се справува. Ако им дозволите да ги почувствуваат последиците на своја кожа, многу брзо ќе научат да разликуваат добри и лоши одлуки и кои одлуки водат до какви резултати. Овие искуства ќе им бидат многу вредни во иднина. Ако им дозволите на децата да се справат со последиците, испраќате уште една важна порака – дека верувате во нивната способност да ги решаваат проблемите. Без одговорност на мали години, децата нема да научат да се носат со својот живот.
„Имаш што е потребно за успех“
Децата многу рано учат и разбираат дека успехот доаѓа со труд. Воспитувајте ги децата на таков начин што ќе ги знаат нивните силни и слаби страни и да се чувствуваат удобно во сопствената кожа. На овој начин децата полесно ќе се справат со притисокот и конфликтите. Охрабрете ги децата така што ќе им кажете и ќе им покажете дека верувате во нив. Поддржете ги кога се сопнуваат или кога не се доволно добри. Научете ги дека неуспехот е само уште еден дел од успехот.
Нека љубовта и дисциплината бидат главните водичи на вашето воспитување. Притоа, разликувајте ја дисциплината од казната или понижувањето. Изиграјте паметно затоа што еден ден кога вашето дете ќе порасне, тешко е да се направат промени во таа област. Кога вашето дете се обидува и не успева, повторно се обидува и не успева, и конечно се обидува и успева, тоа учи многу за себе, за своите способности и за неговиот однос со другите.
