Можеби ќе се запрашате, како е тоа воопшто возможно? Дали тоа значи дека сум премногу добар родител? Или… може ли детето да добива премногу внимание?
Според експертите, тоа и тоа како е можно. Тоа значи дека детето е во центарот на вашиот свет и се се врти околу него. Ќе го препознаете по ова:
За децата готвите посебни оброци
Можеби знаете дека вашите деца нема да го изедат скапиот лосос што сте го купиле и дека тоа ќе бидат фрлени пари, па го печете за себе и за сопругот, а нив им давате пица? Тое е во ред, но ако секој ден им подготвувате посебен ручек бидејќи се пребирливи и имаат многу „истенчен вкус“, тогаш бидете сигурни дека кујната се врти околу вашето дете.
Вие губите во расправиите и попуштате пред нивните барања
Можеби вашето дете е вешт преговарач. Упорно, со добри аргументи, непопустливо. Ако, во восхит од неговите преговарачки вештини секогаш попуштате, губите почит и авторитет. Запрашајте се како изгледала вашата преговарачка историја.
Секако дека е важно да го слушате детето и неговите аргументи и да ги прифаќате одвреме-навреме, но понекогаш треба да кажете и: „Сега едноставно мора да го направиш ова што го барам од тебе“.
Детето ги прекинува и се меша во разговорите на возрасните
Истражувањата покажуваат дека до седумгодишна возраст детето е убедено дека е центарот на светот и дека нема ништо поважно од него. Затоа, немојте да се чудите ако ви упаѓа во збор со прашања или барања.
Ако пак постаро дете не е навикнато да почека да го завршите разговорот и често има прашања, можеби треба да се преиспитате колку внимание му посветувате за време на неговите прекини. Затоа што вашите соговорници сигурно нема да бидат импресионирани кога ќе го прекинете разговорот за да му одговорите на десетгодишно дете да си ги земе чорапите од фиоката, дека книгата е на третата полица десно итн…
Децата пред бракот
Секако, че чажеме сите. Што е тука чудно, па децата се најважни! Точно, но не цел ден и цела ноќ. Толку многу што секој слободен момент од денот го споделувате со нив, а навечер единствено сакаат да заспијат само ако сте во кревет со нив.
Гледајте на тоа на друг начин. Покажувајќи им добар однос со другата половина, тие ќе пораснат со чувство на сигурност и стабилност што е многу важно за здрав развој.
Немате време за себе
Сите вие сте станари на еден животен простор. Но, ако нема таков простор каде што можете да земете длабок здив без детски играчки, песнички и гласови, тоа значи дека наскоро би можеле да експлодирате и дека им давате премногу на децата.
Останувате дома поради однесувањето на вашето дете
Не прифаќате договори затоа што знаете дека вашето дете нема да се однесува соодветно, нема да одите на вечера со пријателите затоа што знаете дека вашето дете не може да седи мирно како нивните деца?
Се тешите дека внимателно ги избирате битките во кои и победувате, но фактот што го криете од себе е дека веќе сте капитулирале. Пропуштате многу работи во животот, и тоа работи поради кои и вашето немирно дете може да учи и созрева.
Спиете со него секоја вечер
Ова веќе го допревме како тема. Убаво е да се биде со нив, да се гушкаат. Нема да бидат мали засекогаш. Еј, па веќе и не се мали, а вие и понатаму се буткате покрај нив во кревет, висите од работ и се будите со болен грб! Време е двапати да размислите и да сфатите дека ништо не му лишувате на вашето петгодишно дете ако го оставите да спие во неговиот кревет.
