Имаш еден од оние денови кога ти се чини дека нечистотија те напаѓа од сите делови на станот: купишта книги, списанија и играчки има насекаде, готвиш вечера и ги слушаш децата како се жалат дека им е ужасно здодевно. Но, дури и во комплетно хаотични денови не смееш да заборавиш дека си добар родител.
Се разбира, задачата на родителите е да постават здрави граници и зборот „не“ да е твое секојдневие, но да се биде добар родител значи и да се изложат децата на богатство на живот, дозволувајќи им да учествуваат во различни процеси.
Им дозволуваш да се извалкаат
Кал, боја или храна – ако твоите деца се прекриени со некоја од овие работи, браво мајко! Чевлите ќе се исушат, калта и нечистотијата ќе се испере, но она што нема да исчезне се прекрасните нешта што ќе произлезат од тоа. Секој пат кога ќе му дозволиш на детето да го истражува дворот, паркот, да копа во земја и да ги проучува растенијата, неговиот имунитет се јакне. Научните истражувања дури покажуваат дека дури и сме повесели кога ќе се извалкаме. Исто така, неуредните искуства ги развиваат нашите сетила – затоа децата кога одат во парк сакаат да пробаат и песок и со желба ги пикаат босите нозе во кал. Оти се чувствуваат одлично!
Им ја читаш омилената книга одново и одново
Кога родителот ќе ги слушне зборовите „И сега читај ми одново!“, со воздишка што детето не ја слуша, ќе ја сврти првата страница и ќе почне да ја чита омилената приказна пред спиење. И повторно. И повторно. Читањето му овозможува на твоето дете да го развива мозокот, но и имагинација. Заедничко искуство што ќе му помогне на детето да развие јазични вештини, но исто така ќе му даде чувство за светот околу него. Читањето заедно ќе го зајакне чувството на сигурност и блискост помеѓу тебе и децата.
Им дозволуваш да уживаат во здодевноста
Современото општество разви необичен страв од досада. Ние ги исполнуваме празните места на децата со десетици играчки, така што тие секогаш се забавуваат со нешто, а сепак постои силна врска помеѓу здодевноста и креативноста. Еден научник за детски развој објаснува дека наместо да му го пополнуваме просторот на детето кога му е досадно, треба да ја развиваме способност за здодевност. На почетокот треба да им покажете дека досадата е пријатна, а покажете им со пример. На крајот, здодевноста ќе ги поттине децата и ќе ги охрабри да развијат сопствена креативност и сами да научат како да си го исполнат времето.
Поддржуваш креативна игра
Повеќето родители доживеале детето да сака да направи нешто креативно само десет минути пред да дојде време да си легне на спиење, а во ваква ситуација веројатно нема да одобрите таква игра. Но, поголемиот дел од времето, оставете го детето да ужива во креативното време и сè што тоа носи – дури и ако тоа значи дека ќе мора да го исчистите лепилото и боите. Не само што ќе ја видите среќа на лицето на детето откако ќе создадете нешто со свои раце и имагинацијата, туку и ќе го поттикнете негов развој и способност за истовремено изразување.
Ги учиш на вештини кои ќе им користат во реалниот свет
Децата често сакаат да проучат што прават возрасните и да учествуваат во секојдневни обврски. Тие честопати дури се и повеќе заинтересирани за вакви работи отколку за играчки. Готвењето заедно може да им помогне на децата да експериментираат со вештини за возрасни, а родителите можат лесно да ги контролираат. Таквото учење и дружење секако го заслужува секој хаос што ќе се направи, бидејќи нема ни да се свртите, а детето веќе ќе ви подготвува вечера.
Се спушташ и играш на нивно ниво
Се спушташ на ниво на своето дете, го гушкаш и играш разни игри на под. Освен што е одлично за трошење енергија, градењето близок однос, така му покажуваш на детето како може да се заштити; добро е и за тестирање на неговите фиизчки граници.
Им покажуваш како да се изложат на ризик и да донесуваат одлуки
Додека голем број мајки инстиктивно се грижат за тоа дали детето ќе падне и ќе се повреди, дозволувањето на детето да ризикува, ќе му помогне да порасне во самоуверена личност. Качувањето на дрво и камења, лутање по реки и потоци, скокање во море и општо многу скокање, му помага на детето за развој на мозокот.
