Летото пристигна и децата често се препуштени сами. Без организирани активности и пријатели, тие често се оставени да се досадуваат. Па, иако научниците сметаат дека досадата не е лоша работа, кога на децата им е потребна дополнителна помош со креативноста, обидете се со некои од овие идеи.
Речиси е невозможно да се избегне детската досада, па затоа понекогаш „ускокнете“ им со некоја заедничка забава.
Картонска куќичка – Земете поголема кутија и претворете ја во голема куќичка за дете. Освен што ќе си играат во куќата, децата можат да ја украсат со фломастери, темперни бои или други бои. Дозволете им да го украсат и дворот околу куќичката… за да направат вистинска мала викенд куќа.
Логорски оган – Ако имате простор во дворот, логорскиот оган може да биде одличен начин да поминете време со децата. Подгответе и хот-догови, а можете да уживате и во вкусна вечера. Освен што е забавно за децата, ова е одличен начин да се собере целото семејство со приказни, шеги, песни…
Направете пица – Храната е секогаш одличен начин да се помине времето, а домашните пици се речиси совршена закуска. Дозволете му на секој да се забавува правејќи своја пица. Ова можеби е малку понеуредно, но дефинитивно ќе биде забавно. Притоа, низ игра имате и ручек или вечера.
Цртање – Ако вашето дете сака да ја истражува својата уметничка страна, донесете ги неговите материјали за цртање надвор. Секое може да наслика свој портрет. Бидејќи сте надвор, вашите деца можат да истражуваат различни начини на сликање, како фрлање сунѓери натопени во боја на платно или едноставно можете да ја насликате околината. Кога ќе завршите, само испрскајте со вода и исчистете сè.
Перење играчки – Поставете простор за перење во дворот за миење велосипеди и други играчки, особено оние со кои децата си играат надвор. Ќе им биде забавно и ќе прават нешто корисно.
Градинарство – Дајте му на вашето дете простор во вашата градина и дозволете му да сади што сака таму. Ова е одличен начин да го научите како да се грижи за растенијата и да учи за земјата.
Боење камчиња или маица – Ова е уште една активност што може да се прави надвор за децата да не се валкаат низ куќата. Треба да подготвите камчиња, бела маица, капа или чанта во таа боја и да им дозволите да бидат креативни.
Тематска семејна вечер – Ова може да биде филмска вечер, забава со танц или друштвена игра. Организирајте неколку забавни активности, тематски пијалоци и закуски.
